ការសិក្សាថ្មីមួយបានរកឃើញថា ទទួលទានអាហារដែលសំបូរដោយខ្លាញ់ច្រើននឹងកាត់បន្ថយកម្រិតមេជីវិតរបស់បុរស។ ការសិក្សាដែលបានចុះផ្សាយនៅក្នុងព្រឹត្តិប័ត្រ Human Reproductionបានរៀបរាប់ថា នៅក្នុងការពិសោធទៅលើបុរសអាមេរិកប្រមាណជា៩៩នាក់បង្ហាញថា អ្នកដែលទទួលទានអាហារមានខ្លាញ់ច្រើនជាប្រចាំមានការថយចុះបរិមាណទឹកកាមដែលបាញ់ចេញពីក្នុងខ្លួនប្រមាណជា៤៣ភាគរយធៀបនឹងអ្នកដែលទទួលទានអាហារមានខ្លាញ់តិចបំផុត។ ចំណែកភាពខាប់ឬភាពខ្លាំង(គុណភាព)របស់ទឹកកាមវិញគឺថយចុះ៣៨ភាគរយ។
វេជ្ជបណ្ឌិត Joseph Alukalនាយកសុខភាពបន្តពូជបុរសនៅមជ្ឈមណ្ឌលវេជ្ជសាស្ត្រNYU Langone Medical Centerនិងជាសាស្ត្រាចារ្យជំនួយនៅសាកលវិទ្យាល័យNYU School of Medicineក្រុងញូវយ៉ក សហរដ្ឋអាមេរិកបាននិយាយថា៖«បើទោះជាលទ្ធផលកើតចេញពីការសិក្សាក្នុងទ្រង់ទ្រាយតូចក៏ដោយ តែខ្ញុំគិតថា លទ្ធផលនេះបានប្រាប់យើងឱ្យដឹងពីអ្វីមួយដែលសំខាន់ ព្រមទាំងជួយរំលឹកយើងថា សមត្ថភាពផ្តល់កំណើតរបស់បុរសពិតជាស្មុគស្មាញហើយវាអាចរងឥទ្ធិពលយ៉ាងងាយពីបញ្ហាស្រដៀងៗគ្នាដែលជះឥទ្ធិពលមកលើសុខភាពជាទូទៅរបស់យើង។ វាក៏ជាផ្នែកមួយនៃភស្តុតាងដែលបានរំលឹកយើងថា អន្តរាគមន៍សុខភាពងាយៗមានដូចជារបបអាហារនិងការហាត់ប្រាណ គឺសុទ្ធតែផ្តល់ផលប្រយោជន៍ជួយកែលំអបរិមាណនិងគុណភាពរបស់ទឹកកាមហើយបង្កើតឱ្យមានកូនបាន»។
ប្រភេទខ្លាញ់ដែលអាចរលាយបាន(Saturated fats)គឺជាកត្តាដ៏សំខាន់មួយដែលពាក់ព័ន្ធទៅនឹងគុណភាពទឹកកាមបុរសសម្រាប់ការសិក្សានេះ។ ខ្លាញ់ដែលមានផ្ទុកtriglycerides នេះភាគច្រើនមាននៅក្នុងសាច់សត្វមានខ្លាញ់ ប៊័រ ក្រែម និងនៅក្នុងប្រេងរុក្ខជាតិមានដូចជាប្រេងដូងជាដើម។ ប៉ុន្តែសម្រាប់អ្នកដែលទទួលទានអាស៊ីតខ្លាញ់អូមេហ្គា-៣ច្រើន(ខ្លាញ់ដែលមាននៅក្នុងត្រី) ការសិក្សាបែរជារកឃើញថា បរិមាណនិងគុណភាពទឹកកាមរបស់ពួកគេកើនឡើង២ភាគរយទៅវិញ ធៀបនឹងអ្នកដែលទទួលទានប្រភេទខ្លាញ់នេះ(អាស៊ីតខ្លាញ់អូមេហ្គា-៣)តិចតួច ៕
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
