ថៃ៖ បច្ចុប្បន្នស្នេហាដ៏ផ្អែមល្ហែមរវាងតារាសម្តែងប្រុសលំដាប់ជួរមុខលោក Weir Sukollawat និងតារាសម្តែងស្រីកំពុងមានប្រជាប្រិយភាព Bella Ranee នៅតែស្ថិតក្រោមការចាប់អារម្មណ៍ យ៉ាងខ្លាំងពីសំណាក់មហាជន ដោយសារតែអ្នកទាំងពីរគឺតារាប្រចាំប៉ុស្តិ៍ទូរទស្សន៍ផ្សេងពីគ្នា រីឯកាលវិភាគការងារក៏ខុសពីគ្នាដែរ ប៉ុន្តែទោះជាយ៉ាងណា អ្នកទាំងពីរក៏នៅតែឆ្លៀតពេល ផ្តល់ពេលវេលាផ្អែមល្ហែមឲ្យគ្នាជានិច្ច គួរឲ្យសរសើរតែម្តង ។
ជាក់ស្តែង ថ្មីៗនេះ គូស្នេហ៍ប្រុសស្រីក៏សាកសមមួយគូនេះ ក៏ត្រូវបានអ្នកគាំទ្រ លួចថតបានពេលដែលអ្នកទាំងពីរ កំពុងតែណាត់ជួបគ្នាញុំាអាហារនៅហាងមួយកន្លែងផងដែរ។ ដោយឡែក អ្វីដែលគួរឲ្យចាប់អារម្មណ៍ជាងនេះទៅទៀតនោះ គឺWeir និង Bella មិនបានចូលញុំាអាហារ នៅតាមភោជនីយដ្ឋាន ប៊្រេនៗរ៉ូមែនទិកអ្វី ដូចជាតារាទូទៅនោះទេ ប៉ុន្តែអ្នកទាំងពីរបែរញុំាអាហារ នៅតាមតូបអាហារយ៉ាងសាមញ្ញបំផុត ដោយមិនបានប្រកាន់ថាខ្លួនជាតារាល្បីអ្វីឡើយ។
ក្រោយពីរូបភាពទាំងនេះចុះផ្សាយទៅ Weir និង Bella កាន់តែទទួលបានការកោតសរសើរពីសំណាក់មហាជន ដោយអ្នកទាំងពីរមិនត្រឹមតែជាតារាល្បី ស្រលាញ់គ្នាបែបចាស់ទុំតែប៉ុណ្ណោះនោះទេ ហើយថែមទាំងមានចំណង់ចំណូលចិត្ត និងមិនចេះប្រកាន់ខ្លួនដូចគ្នាថែមទៀតផង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]