ខេត្តកណ្តាល ៖ អស់រយៈពេលជិត០១ខែហើយ មជ្ឍដ្ឋានជាច្រើនបានរង់ចាំមើលថា ម្ចាស់ការ៉ាស់សាំងដេប៉ូ រស្មី ពិសី ដែលជំនាញកាំកុងត្រូលចុះទៅត្រួតពិនិត្យរកឃើញលួចសាំងពីពួកគាត់នោះមានទោសដែរទេ ឬក៏អ្នកក្រលួចមាន់មួយក្បាលយកមកធ្វើម្ហូបចិញ្ចឹមក្រពះមានទោស ដល់អ្នកមានទ្រព្យធន់ មានអំណាចលួចសាំង (រង្វាស់រង្វាល់) ជារៀងរាល់ថ្ងៃអត់មានទោសទៅវិញ ។
ប្រភពពីមន្ត្រីតុលាការបានលួចបង្ហើបថា ជិត០១ខែហើយ សំណុំរឿង ការ៉ាស់សាំងដេប៉ូ រស្មី ពិសី ដែលជំនាញកាំកុងត្រូល ដោយមានការសម្របសម្រួលពីតំណាងអយ្យការ ចុះទៅត្រួតពិនិត្យរកឃើញលួចសាំងពីអតិថិជននោះ មិនឃើញខាងកាំកុងត្រូលបញ្ជូនសំណុំរឿងមកឱ្យខាងសាលាដំបូងខេត្តកណ្តាល មានចំណាត់ការទៅតាមផ្លូវច្បាប់ទេ មិនដឹងថា ខាងកាំកុងត្រូលទុកសំណុំរឿងនោះធ្វើអ្វីទេ ទោះបីជារកឃើញថា ការ៉ាស់សាំង ដេប៉ូតេលា រស្មី ពិសី ក្រុងតាខ្មៅ លួចសាំងពីអថិតិជនក្តី ក៏បានបើកដំណើរការដដែល មិនដឹងមានអ្វីនៅពីក្រោយបន្ទាប់ពីត្រួតពិនិត្យរួច និងជាពិសេសថៅកែការ៉ាស់សាំងមិនមានការឃាត់ខ្លួនឡើយ ទោះបីការ៉ាស់សាំងនោះ ធ្លាប់មានវិធានការណែនាំពីជំនាញកាំកុលត្រូលម្តងរួចមកហើយក្តី។
មជ្ឈដ្ឋានទូទៅកំពុងមានការរិះគន់ ដែលចុះទៅត្រួតពិនិត្យរកឃើញថា «ការ៉ាស់សាំងបានបន្លំយកសាំងធម្មតា លក់ជាសាំង ស៊ុបពែរ ថែមទាំងលក់មិនគ្រប់លីត្រជូនអ្នកប្រើប្រាស់» ពោលគឺលួចសាំងពីអតិថិជនថែមទៀត។
ក្នុងប្រតិបត្តិការចុះត្រួតពិនិត្យនេះដឹកនាំដោយលោក ងួន សុមល្លីវង្ស អនុប្រធាននាយកដ្ឋានកាំកុងត្រូលនៃក្រសួងពាណិជ្ជកម្ម លោក គ្រី បូរិន អនុប្រធានមន្ទីរពាណិជ្ជកម្មកាំកុងត្រូលខេត្តកណ្តាល លោក ហ៊ិន ង៉ែត អនុប៉ុស្តិ៍សាខាកាំកុងត្រូលខេត្តកណ្តាល ដោយមានការសម្របសម្រួលនីតិវិធីពីសំណាក់ លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្តាល៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
