រាជធានីភ្នំពេញ ៖ តាមប្រភពព័ត៌មានបឋមបានឱ្យដឹងថា មានស្ត្រីជាអាជីវករលក់ដូរខោអាវជជុះនៅផ្សារដេប៉ូម្នាក់បានចង់.កសម្លាប់ខ្លួននៅនឹងតូបលក់ដូររបស់ខ្លួន នៅជាន់ទី១ នៃផ្សារដេប៉ូនៅក្នុងសង្កាត់ផ្សារដេប៉ូទី១ ខណ្ឌទួលគោក ដែលហេតុការណ៍នេះបានកើតឡើងបង្កការភ្ញាក់ផ្អើលនៅវេលាម៉ោង១១ និង១៥នាទីថ្ងៃទី០៦ ខែធ្នូ ឆ្នាំ២០១៨ ។
តាមប្រភពបានឱ្យដឹងថា ស្ត្រីដែលបានចង.កធ្វើអត្តឃាតខាងលើមានឈ្មោះ ស្វាយ សុផល អាយុ៦៣ឆ្នាំ ជាអាជីវករលក់ខោអាវ មានទីលំនៅផ្ទះលេខ 156 E1 ផ្លូវ182 សង្កាត់ផ្សារដេប៉ូ១ ខណ្ឌទួលគោក ដោយស្ត្រីខាងលើបានចង.កនឹងក្រមាជាមួយចង្រឹងដែក ហើយមូលហេតុដែលបណ្តាលឱ្យស្ត្រីខាងលើសម្រេចចិត្តធ្វើអត្តឃាតនោះនៅមិនទាន់ដឹងដឹងច្បាស់នៅឡើយនោះទេ ។
បើតាមប្រភពព័ត៌មានបានឱ្យដឹងថា មូលហេតុអាចបណ្តាលមកពីមានវិបត្តិក្នុងគ្រួសារ និងមានជម្ងឺប្រចាំកាយផង រួមទាំងពិបាកចិត្តរឿងកូនៗរបស់គាត់ទើបសម្រេចចិត្តចង.កសម្លាប់ខ្លួនតែម្តង ហើយទន្ទឹមនឹងនោះក្រុមគ្រួសារបានទៅដល់កន្លែងកើតហេតុក៏មានទំនាស់គ្នាផងដែរនៅកន្លែងកើតហេតុ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
