ខេត្តកណ្ដាល ៖ អាថ៌កំបាំងនៅពីក្រោយថៅកែដអរិយក្សត្រស្លាប់ក្នុងថ្លុកឈាម ដោយគ្រាប់កាំភ្លើងខ្លីម៉ាកK៥៩ គឺនៅមិនទាន់មានប្រភពណាមួយច្បាស់លាស់ បញ្ជាក់អំពីមូលហេតុនៃការស្លាប់របស់ជនរងគ្រោះនោះឡើយទេ នៅព្រឹកថ្ងៃទី០៥ ធ្នូ នេះ គ្រាន់តែសមត្ថកិច្ចបានសន្និដ្ឋានជំហានដំបូងថា ជាអំពើអត្តឃាត ដោយវិបត្ត ។
យោងតាមសេចក្តីរាយការណ៍របស់សមត្ថកិច្ចបានឱ្យដឹងថា កាលពីវេលាម៉ោង០៥ និង១៥នាទីថ្ងៃទី០៤ ធ្នូ ២០១៨ វេលាម៉ោង០៥ និង១៥នាទីល្ងាច នៅត្រង់ចំណុចក្នុងបន្ទប់ផ្ទះ (ទីស្នាក់ការ) ជនរងគ្រោះនៅកំពង់ទូកដភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្តាល មានករណីធ្វើអត្តឃាតកម្មមួយកើតឡើង ដែលជនរងគ្រោះត្រូវបានគេស្គាល់ គឺឧកញ៉ា វ៉ាន់ រ៉ាម៉ុន ភេទប្រុស អាយុ៥៧ឆ្នាំ ជាអនុប្រធាននាយកដ្ឋានអន្តោប្រវេសន៍ មានឋានន្ទរស័ក្តជាឧត្តមសេនីយ៍ត្រី និងជាម្ចាស់ភាគហ៊ុនកំពង់ចម្លងទូកដអរិយក្សត្រ-ភ្នំពេញ មានទីលំនៅផ្ទះលេខ ៣៣៤EOZ ភូមិ៤ ផ្លូវកម្ពុជាក្រោម សង្កាត់មិត្តភាព ខណ្ឌ៧មករា រាជធានីភ្នំពេញ ។
វត្ថុតាងចាប់យកនៅកន្លងកើតហេតុ គឺមានអាវុធខ្លី១ដេីមម៉ាកK៥៩ លេខ ៣១១៧, បង់៣គ្រាប់, ១៧ គ្រាប់, សំបកគ្រាប់១, ក្បាលគ្រាប់១ ។ សេចក្តីរាយការណ៍បន្តថា នៅវេលាម៉ោងខាងលើ ឈ្មោះវ៉េង ដារិទ្ធ ជាតំណាងឱ្យឈ្មោះ វ៉ាន់ រ៉ាម៉ុន ដែលជាអ្នកមើលការខុសត្រូវកំពង់ចម្លងទូកដភ្នំពេញ-អរិយក្សត្រ បានដើរចូលទៅក្នុងផ្ទះរបស់លោកឧកញ៉ា វ៉ាន់ រ៉ាម៉ុន ដើម្បីបូមប្រេងចាក់សាឡាង ។
ពេលដើរចូលទ្វាររបងផ្ទះលោកឧកញ៉ាបិទ និងខ្ទាស់គន្លឹះពីខាងក្នុងជាប់ ឃើញដូច្នោះ ឈ្មោះ វ៉េង ដារិទ្ធ ក៏បានផ្លោះរបង ដើម្បីចូលរៀបចំទុយោប្រេង ហើយឈ្មោះ វ៉េង ដារិទ្ធក៏បានទៅគោះទ្វារបន្ទប់លោកឧកញ៉ា វ៉ាន់ រ៉ាម៉ុន តែមិនមានឮសំឡេងឆ្លើយទេ ទើបច្រានទ្វារចូលទៅស្រាប់តែឃើញលោកឧកញ៉ា វ៉ាន់ រ៉ាម៉ុន ដេកស្លាប់លើគ្រែដែកក្រាលពូក និងមានហូរឈាមពេញលេីឥដ្ឋការ៉ូ ក្នុងបន្ទប់របស់ជនរងគ្រោះ ។
បន្ទាប់ពីឃើញហេតុការណ៍ដូច្នេះ ឈ្មោះ វ៉េង ដារិទ្ធ បានរាយការណ៍ទៅសមត្ថកិច្ច ទើបមានការភ្ញាក់ផ្អើលមនុស្សកុះករទៅចោមរោមមើលកន្លែងកើតហេតុ បន្ទាប់មកបានមានកម្លាំង សមត្តកិច្ចមូលដ្ឋាន សហការ ជាមួយកម្លាំងជំនាញបច្ចេកទេសខេត្ត ដែលហៅថា (គណៈកម្មការចុះពិនិត្យ សាកសព) ចុះពិនិត្យកន្លែងកើតហេតុ ។
ក្រោយពេលពិនិត្យចប់សព្វគ្រប់ គណៈកម្មការបានធ្វើការសន្និដ្ឋានថា ជនរងគ្រោះធ្វេីអត្តឃាតសម្លាប់ខ្លួន (បាញ់ខ្លួនឯង) ដោយប្រើបាស់អាវុធខ្លី K៥៩ របស់ខ្លួនឯង បាញ់ចំនួន០១គ្រាប់ ចំណុចលើសៀតផ្កាខាង
ស្ដាំ ធ្លាយមកសៀតផ្កា ខាងឆ្វេង ។ សពស្លាប់នៅលើគ្រែ ជើងម្ខាងគងនៅលើកៅអីបង្អែក ក្នុងសភាពពាក់ស្បែកជើង និងស្រោមជើង មូលហេតុមានវិបត្តិ ។
បន្ធាប់ពីគណៈកម្មការធ្វើកោសលវិច្ច័យពិនិត្យសាកសពចប់សព្វគ្រប់ រហូតដល់ម៉ោងជា១០យប់ សាកសពជនរងគ្រោះ ត្រូវបានក្រុមគ្រួសារទាក់ទងរថយន្តមន្ទីរពេទបង្អែកអរិយក្សត្រដឹកយកទៅតម្កល់នៅគេហដ្ឋាន ដើម្បីធ្វើបុណ្យតាមប្រពៃណី ។
អ្វីដែលបានធ្វើមជ្ឈដ្នាននៅមានភាពមន្ទិលសង្ស័យនោះត្រង់ថា ១-ឈ្មោះ វ៉េង ដារិទ្ធ ចូលគោះទ្វារបន្ទប់មិនឮឆ្លើយ រុញទៅឃើញជនរងគ្រោះស្លាប់ ដោយគ្រាប់កាំភ្លើងក្នុងថ្លុកឈាម ។ ២-សង្ស័យគ្រាប់បៀមជាប់ក្បាលជនរងគ្រោះ ៣-ផ្ទះជនរងគ្រោះមានបំពាក់កាមេរ៉ាសុវត្ថិភាពគ្រប់កន្លែង ដូច្នោះនោះជាសញ្ញាមួយកំណត់ មិនពិបាកធ្វើឱ្យសមត្តកិច្ចបើកការសើុបអង្កេតទេ ។
ហើយការសន្និដ្ឋានជាអំពើអត្តឃាតដោយវិបត្ត ក៏នៅមិនទាន់គ្រប់គ្រាន់ពីដើមចមនៅវិបត្តិរហូតដល់ជនរងគ្រោះខ្លះថា ងារជាឧកញ៉ា និងមានឋានន្ទរស័ក្តិថ្នាក់ឧត្តមសេនីយ៍នគរបាលជាតិមួយរូប ជាមនុស្សមានកិតិ្តយស មានចំណេះដឹងខ្ពង់ខ្ពស់ តើអាថ៌កំបាំង(វិបត្ត)នោះ ដល់កម្រិតណា គួរតែមានការស្រាយបំភ្លឺឱ្យបានច្បាស់បន្តិច ទើបអស់ការសង្ស័យ ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]