រាជធានីភ្នំពេញ ៖ លោកគ្រូសច្ចះវិរោណុប សក្កដា ហៅគ្រូផេះគ្រូអង្កាម ដែលជាគ្រូមន្តអាគមអូមអាម និងដាក់ស្នេហ៍ម្នាក់ ត្រូវបានអធិការរងនគរបាលខណ្ឌប្ញស្សីកែវ ប្តឹងចូលទៅនគរបាលប៉ុស្តិ៍គីឡូម៉ែត្រលេខ៦ ពីបទបរិហាកេរ្តិ៍ ដោយទាមទារជំងឺចិត្តចំនួន២ម៉ឺនដុល្លារ ។
លោកគ្រូដែលត្រូវគេប្តឹងនោះ ឈ្មោះណុប សក្កដា ភេទប្រុស មានទីលំនៅតាមផ្លូវជាតិលេខ៥ ក្នុងក្រុមទី៣ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌប្ញស្សីកែវ។ ចំណែកដើមបណ្តឹងនោះ ឈ្មោះលឹម សេរីសោភណ្ឌអាយុ៤៥ឆ្នាំ ជាអធិការងរងនគរបាលខណ្ឌប្ញស្សីកែវ មានលំនៅផ្ទះលេខ២១៦ ស្នាក់នៅក្បែរគ្នា ជាមួយលោកគ្រូនោះ។
តាមពាក្យបណ្តឹងរបស់លោកអធិការងបានឱ្យដឹងថា កាលពីវេលាម៉ោង៩ព្រឹកថ្ងៃទី៣ ធ្នូ បងថ្លៃគាត់ឈ្មោះឈឹម ផារិទ្ធ ភេទប្រុស បានដុតកន្ទុយសំបុត្រផ្ញើម៉ូតូ និងចុងសន្លឹកនៅមុខផ្ទះគាត់ ។ នៅពេលកំពុងតែដុត នោះ ស្រាប់តែអ្នកជិតខាងដែលជាកូនចៅ ឈ្មោះណុប សក្កដា ដែលជាគ្រូមន្តអាគមអូមអាម និងដាក់ស្នេហ៍បានពន្លត់ ដោយពុំបានសួរនាំអ្វីឡើយ និងបានប្រមូលកម្ទេចសំបុត្រនោះ យកទៅទុកក្នុងផ្ទះលោកគ្រូណុប សក្កដា ថតឡាយតាមបណ្តាញសង្គមបរិហាកេរ្តិ៍ចោទថា «អាងខ្លួនជាអធិការរងខណ្ឌប្ញស្សីកែវ រហ័សនាម «០៣» ដុតសំរាមតាមផ្លូវសាធារណៈផ្សែហុយទ្រលោម បង្កអោយប៉ះពាល់អ្នកជិតខាង និងបានអំពាវ នាវដល់ពលប្អូនខ្មែរនៅក្រៅប្រទេស កុំយកតម្រាប់តាម ដែលជាហេតុធ្វើឱ្យប៉ះពាលដល់កិត្តិយសរបស់គាត់ ដែលពុំបានដឹងអ្វីទាំងអស់ និងពុំបាននៅផ្ទះឡើយ ។
លោកអធិការរងបានអោយដឹងទៀតថា នៅពេលប្រមូលកន្ទុយសំបុត្រទៅថតឡាយ បងថ្លៃនិងក្រុមគ្រួសារបានទៅសុំវិញមិនឱ្យនោះទេ រហូតដល់មានការសម្របសម្រួលពីប្រធានភូមិ ទើបឱ្យ។ ការដុត កន្ទុយសំបុត្រផ្ញើម៉ូតូ គឺបងថ្លៃដុតរាល់សប្តាហ៍ ព្រោះខ្លាចជនមិនល្អរើសបានយកទៅធ្វើក្លែងបន្លំយកម៉ូតូមិនមានចេតនាអ្វីនោះទេ ។
លោកអធិការរងបានបញ្ជាក់ថា ក្នុងការប្តឹងនោះ គឺទាមទារជំងឺចិត្តចំនួន២ម៉ឺនដុល្លារ ដែលលោកគ្រូរូបនោះបានថតឡាយបរិហាកេរ្តិ៍រូបគាត់ តាមបណ្តាញសង្គម ជាហេតុធ្វើឱ្យប៉ះពាល់ដល់កិត្តិយសគាត់ ក៏ដូចជាកិត្តិយសនិងសេចក្តីថ្លៃថ្នូររបស់កងកម្លាំងនគរបាលជាតិផងដែរ ។
តាមព័ត៌មានបានអោយរយះពេលប្រមាណប៉ុន្មានខែនេះ លោកគ្រូមន្តអាគមន៍ មិនសូវមានភ្ញៀវនោះទេ ហើយ មានការសង្ស័យបណ្តាលមកពីការដុតកន្ទុយសន្លឹកនេះផ្សែងហុយចូលផ្ទះគាត់ ទើបធ្វើឱ្យលោកសច្ចះវិរណុប ថតឡាយបង្កឱ្យមានការប៉ះពាល់បែបនេះតែម្តង ។
ទោះបីជាបែបណា ពុំទាន់មានការបំភ្លឺណាមួយពីលោកគ្រូមន្តអាគមរូបនោះនៅឡើយ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
