ពិសេសណាស់ ឆ្នាំនេះ Aum Patcharapa ចប់ពីកម្មវិធីមិនទាន់ ឆ្លៀតទៅឆ្លងថ្ងៃកំណើតខ្លួនជាមួយហ្វេនៗ

ថៃ៖ គ្រាន់តែឃើញឈ្មោះ Aum Patcharapa នរណាៗមិនស្គាល់ ថាជាតារាស្រីថៃល្បីលំដាប់ប្រចាំប្រទេស និងជាតារាដែលពោរពេញដោយទេពកោសល្យ រួមជាមួយសម្រស់ដ៏ស្រស់ស្អាត ទាក់ទាញ មិនចាស់ទៅតាមអាយុសោះ។

តារាស្រី Aum Patcharapa ត្រូវបានមហាជន កោតសរសើរថា ជាតារាស្រីទាំងស្អាត ឆ្លាត មាន និង ជោគជ័យខ្លាំង ក្នុងវិស័យការងារសិល្បៈ ដោយជារឿយៗមិនថាចូលរួមក្នុងកម្មវិធីណាមួយនោះទេ គឺតែងតែមានអ្នកគាំទ្រ​ តាមទៅផ្ដល់កម្លាំងចិត្តឲ្យជានិច្ច ។

ដូចកាលពីម្សិលមិញនេះ កំពូលតារាសម្ដែងស្រីរូបនេះ បានទៅចូលរួមក្នុងកម្មវិធីសម្ពោធហាងសម្លៀកបំពាក់មួយ ដោយខណៈនោះ ក៏បានឃើញថាមានហ្វេនៗនាងជាច្រើនបានមកគាំទ្រ ប៉ុន្តែអ្វីដែលសំខាន់ជាងរាល់នោះ គឺហ្វេនៗតារាស្រីរូបនេះ បានSurprise នំខេកដល់រូបនាង ធ្វើឲ្យនាងរំភើបឡើងស្រក់ទឹកភ្នែកតែម្ដង។

ដោយឡែក ក្រោយពេលបញ្ចប់ការងារពីកម្មវិធីខាងលើនោះភ្លាម អ្វីដែលរឹតតែពិសេសនោះ គឺAum Patcharapa បានឆ្លៀតទៅឆ្លងថ្ងៃកំណើតចូលវ័យ៤០ឆ្នាំរបស់ខ្លួន ជាមួយអ្នកគាំទ្រ យ៉ាងសប្បាយរីករាយជាខ្លាំង ដោយក្នុងនោះ បានធ្វើឲ្យតារាស្រីរូបនេះ និងហ្វេនៗរបស់នាង គឺទទួលបានពោរពេញទៅដោយស្នាមញញឹមគ្រប់ៗគ្នាថែមទៀតផង៕

សូមទស្សនាកម្រងរូបភាពខាងក្រោម៖

• តារាថៃ