មិនជាប់សាច់ឈាមគ្នាអីទេ តែភរិយាកែវ វាសនា និងអ៊ីវ៉ា ត្រូវគេថា មានមុខស្រដៀងគ្នាដូចបងប្អូន!

ភ្នំពេញ៖ តារាចម្រៀងរួមទ្រនំកញ្ញាអ៊ីវ៉ា និងលោកកែវ វាសនា បានសាងកេរ្តិ៍ឈ្មោះនៅក្នុងការងារសិល្បៈអស់ពេលជាច្រើនឆ្នាំ មកទល់នឹងពេលនេះប្រជាប្រិយភាពរបស់ពួកគេ ក៏កាន់តែរីកចម្រើនខ្លាំងឡើង

ក៏ប៉ុន្តែកាលពីពេលថ្មីៗនេះ បណ្តាអ្នកគាំទ្រជាច្រើន របស់តារាប្រុសស្រីទាំង២នេះ បានផ្ទុះការចាប់អារម្មណ៍ទៅលើ រូបសម្រស់ មុខមាត់របស់ភរិយាលោក និងកញ្ញាអ៊ីវ៉ា ថាស្រដៀងគ្នាខ្លាំង ប្រៀបដូចជាបងប្អូននឹងគ្នាយ៉ាងដូច្នោះ។

មិនបានប៉ុន្មានផង រូបភាពមួយសន្លឹករបស់អ្នកទាំង២ក៏បានលេចឡើង នៅលើបណ្តាញសង្គមហ្វេសប៊ុកសារជាថ្មី ដែលធ្វើឲ្យអ្នកគាំទ្រជាច្រើនកាន់តែចាប់អារម្មណ៍ទៅលើអ្នកទាំង២ ថាពិតជាមានមុខមាត់ស្រដៀងគ្នាមែននៅពេលមើលមួយភ្លែត ព្រោះមិនថាស្នាមញញឹម និងសម្បុរនោះទេ។

តែទោះជាយ៉ាងណាក្តីក៏មានអ្នកខ្លះទៀតក៏បានថាស្រដៀង ច្រឡំគ្នាថាអ្នកទាំងពីរជាបងប្អូន ឯអ្នកខ្លះទៀតថាមិនសូវដូចគ្នាប៉ុន្មាននោះទេ ទាំងស្ទាយ៍តែងខ្លួនរបស់អ្នកទាំងពីរគឺខុសគ្នា៕

ចុះប្រិយមិត្តយល់យ៉ាងណាដែរ? 

• កែវ វាសនា
• អ៊ីវ៉ា
• តារាខ្មែរ