ញូវយ៉ក៖ ស្រីស្អាតលក់កាបូបតាមអនឡាញម្នាក់កំពុងទទួលរងការរិះគន់ពីអ្នកប្រើប្រាស់បណ្តាញសង្គម Twitter ក្រោយពីនាងបានអះអាងថា នាងអាចរកប្រាក់ចំណូលបានជាង ៣០,០០០ ដុល្លារក្នុងមួយខែ។
សហគ្រិនវ័យ ២២ឆ្នាំ រស់នៅក្នុងទីក្រុងញូវយ៉ករូបនេះបាននិយាយថា នាងអាចរកប្រាក់ចំណូលបានចាប់ពី ៣០០,០០០ ដុល្លារ ទៅ ៣៦០,០០០ ក្នុងមួយឆ្នាំ តែឆ្នាំនេះនាងអាចរកបានរហូតដល់ទៅ ៦០០,០០០ ដុល្លារឯណោះ។
នាងអាចរកប្រាក់ចំណូលជាមធ្យម ២៥,០០០ ទៅ ៣០,០០០ ដុល្លារអាមេរិកក្នុងមួយខែ ដោយគ្រាន់តែលក់កាបូបយួរដៃតាមអនឡាញប៉ុណ្ណោះ។
ជារៀងរាល់ខែនាងត្រូវចំណាយប្រាក់ ១,២០៧ ដុល្លារសម្រាប់ការជួលផ្ទះ (នៅជាមួយមិត្តរួមបន្ទប់ពីរនាក់), ១៧៥ ដុល្លារសម្រាប់ថ្លៃអ៊ីនធើណេតនិងថ្លៃទឹក-ភ្លើង, ៧០ដុល្លារសម្រាប់ថ្លៃទូរស័ព្ទ, ៥២ដុល្លារសម្រាប់ថ្លៃបោសសម្អាត និងសេវាថែទាំអគារ និង ៧.៩៩ ដុល្លារសម្រាប់ថ្លៃ Netflix (សេវាមើលរឿង)។
នាងបាននិយាយថា "ប៉ាម៉ាក់ខ្ញុំបានជួយបង់ថ្លៃសាលាឲ្យខ្ញុំ តែឆ្នាំក្រោយ ខ្ញុំនឹងបង់វាដោយខ្លួនឯង"។
នាងបានបន្តរៀបរាប់ទៀតថា នាងទិញអីវ៉ាន់ទាំងនោះពីចិន រួចលក់វាបន្តតាមអនឡាញ។ ជាទូទៅនៅពេលព្រឹកនាងតែងឆែកអ៊ីម៉ែល និងបណ្តាញសង្គម បន្ទាប់មករិះរកគំនិត (brainstorm) ថ្មីៗដើម្បីលក់ទំនិញរបស់នាង។ លើសពីនេះទៅទៀត នាងគ្រោងធ្វើជាឈ្មួញកណ្តាលផ្គត់ផ្គង់ទំនិញពីចិន មកបោះដុំលក់ឲ្យហាងមួយចំនួននៅសហរដ្ឋអាមេរិក។
ចំពោះភាពជោគជ័យរបស់នាងដូចជាពុំទាន់ច្បាស់លាស់សោះ ដូច្នេះបានជាអ្នកប្រើប្រាស់បណ្តាញសង្គម Twitter ជាច្រើនបានរិះគន់នាង ដោយមានអ្នកខ្លះថានាងអាចរកចំណូលបានច្រើនប៉ុណ្ណឹងហើយ ហេតុអ្វីត្រូវរស់នៅជាមួយនឹងមិត្តរួមបន្ទប់ពីរនាក់ទៀត៕
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]