បរទេស៖ ការប្រកួតដ៏ជក់ចិត្តរវាងក្រុមហង្សក្រហម Liverpool និងក្រុម Paris Saint-Germain នៅពានរង្វាន់ក្របខណ្ឌ Champions League កាលពីយប់ម្សិលមិញ បានបញ្ចប់ទៅដោយលទ្ធផលយ៉ាងតានតឹងបំផុត ១ទល់នឹង២។
គេក៏សង្កេតឃើញមានវត្តមានបុគ្គលល្បីៗមួយចំនួនដែលបានអញ្ជើញទៅទស្សនាការប្រកួតនេះដោយផ្ទាល់រួមមានដូចជា៖
១. លោក Leonardo DiCaprio (តារាសម្ដែងអាមេរិក, ធ្លាប់ជាម្ចាស់ជើងឯកពានរង្វាន់ Oscar ឆ្នាំ ២០១៦ ដែលគេគ្រប់គ្នាស្គាល់ក្នុងរឿង Titanic, Romeo & Juliet, The Wolf of Wall Street និងរឿងល្បីៗជាច្រើនផ្សេងទៀត)
២. លោក Mick Jagger (អ្នកសិល្បៈដ៏ល្បីរបស់ប្រទេសអង់គ្លេស និងជាអ្នកចូលរួមបង្កើតទស្សនាវដ្ដី The Rolling Stones តាំងពីទសវត្ស ៦០)
៣. កីឡាករ Khabib Nurmagomedov (អ្នកប្រដាល់ MMA ដ៏ឈ្មោះរបស់រុស្សុី និងជាម្ចាស់ខ្សែក្រវ៉ាត់ UFC Lightweight Champion កាលពីពេលថ្មីៗនេះ ក្រោយរូបគេបានផ្ដួលអ្នកប្រដាល់មុខឌឺ Conor Mcgregror)
៤. William Sami Étienne Grigahcine ឬ DJ Snake (ជា DJ បារាំងដ៏ល្បីល្បាញ គេធ្លាប់ច្រៀងក្នុងបទល្បីៗដូចជា Let Me Love You ជាមួយ Justin Bieber និង Taki Taki ជាមួយ Selena Gomez)
៥. អ្នកនាង Camilla Morrone (ជាតារាបង្ហាញម៉ូដអាមេរិកដ៏ស្រស់ស្អាត ហើយនាងធ្លាប់ចូលរួមការសម្ដែងក្នុងរឿងល្បីៗជាច្រើនរួមមាន Bukowski និង Death Wish ជាដើម)
៦. លោក Didier Deschamps (គ្រូបង្វឹកក្រុមជម្រើសជាតិបារាំង ដែលបានដឹកនាំក្រុមឲ្យឈ្នះពានរង្វាន់ World Cup ឆ្នាំពី២០១៨ នៅប្រទេសរុស្ស៊ីកន្លងទៅ និងដឹកនាំក្រុមមាន់គោកឡើងដល់វគ្គផ្ដាច់ព្រ័ត្រក្នុងព្រឹត្តិការណ៍ Euro កាលពីឆ្នាំ២០១៦ កន្លងទៅផងដែរ)
៧. លោក Alain Prost (ជាអតីតកីឡាករប្រណាំងរថយន្ដ Formula 1 ដ៏ល្បីល្បាញ និងធ្លាប់ជាម្ចាស់ជើងឯកពានរង្វាន់ Formula 1 ចំនួន ៤សម័យផងដែរ)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]