កូរ៉េខាងត្បូង ៖ អ្នកគាំទ្រអាចនឹងស្មានមិនដល់នោះទេថា តារាកូរ៉េល្បីៗ ដែលកំពុងតែមានប្រជាប្រិយភាពខ្លាំង នៅក្នុងវិស័យ Kpop បច្ចុប្បន្ន មួយចំនួនធំ សុទ្ធសឹងតែធំធាត់ឡើងនៅបរទេស ប៉ុន្តែពួកគេនៅតែអាចប្រើប្រាស់ ភាសាកូរ៉េបានយ៉ាងល្អ ទាំងការច្រៀង និងការប្រាស្រ័យទាក់ទងគ្នា ទៅវិញទៅមក។
ជាការពិតណាស់ ការលូតលាស់ធំធាត់ឡើងនៅបរទេស ក៏ជាគុណសម្បត្តិមួយផ្នែកផងដែរ ដែលអាចធ្វើឲ្យពួកគេ អាចប្រើប្រាស់បានច្រើនភាសា ព្រមទាំងអាចយល់ដឹងយ៉ាងច្បាស់ ពីវប្បធម៌របស់ប្រទេសដែលខ្លួនកំពុងរស់នៅ និងប្រទេសដែលខ្លួនធ្លាប់បានស្នាក់នៅ៕
បើប្រិយមិត្តចង់ជ្រាប់ច្បាស់ថា មុនពេលបានក្លាយជាតារា Kpop តើតារាល្បីៗរូបណា ធ្លាប់រស់នៅប្រទេសណាខ្លះ?
សូមទស្សនារូបភាពខាងក្រោម ៖
១. RM ក្រុម BTS
RM ធ្លាប់បានសិក្សា និងរស់នៅប្រទេស នូវែលសេឡង់ មុនពេលដែលលោកបានបង្ហាញខ្លួន ជាតារាចម្រៀងរបស់ផលិតកម្ម Bighit។
២. Rosé ក្រុម BLACKPINK
អ្នកគាំទ្រគ្រប់គ្នា ប្រាកដជាបានដឹងហើយថា នាងធំធាត់ឡើង នៅក្នុងប្រទេសអូស្ត្រាលី។ ប៉ុន្តែពួកគេប្រហែលជា មិនបានដឹងថា នាងពិតជាបានកើត និងចំណាយពេលយ៉ាងច្រើន នៅក្នុងប្រទេសនូវែលសេឡង់ ផងដែរ។
៣. Yugyeom ក្រុម GOT7
Yugyeom បានចំណាយពេលវេលា ជាកុមារភាពរបស់ខ្លួន នៅក្នុង អារ៉ាប់។
៤. CL
CL បានកើតនៅប្រទេសកូរ៉េខាងត្បូង ប៉ុន្តែនាងបានចំណាយពេលវេលាយ៉ាងច្រើន រស់នៅក្នុងប្រទេសជប៉ុន និងប្រទេសបារាំង។ ជាហេតុធ្វើឲ្យនាង អាចនិយាយភាសាបរទេសទាំងនេះ បានយ៉ាងល្អ។
៥. Dara អតីតសមាជិកក្រុម 2NE1
Dara ត្រូវបានស្គាល់ថាជា តារាស្រីដ៏ល្បីល្បាញ ក្នុងប្រទេសហ្វីលីពីន។ នាងបានចំណាយពេលវេលា រស់នៅទីនោះ អស់រយៈពេលជាង ១០ឆ្នាំផងដែរ។
៦. I.M ក្រុម MONSTA X
ដោយសារតែ ការផ្លាស់ប្ដូរការងាររបស់ ឪពុក បានធ្វើឲ្យ I.M ចំណាយពេលកុមារភាព របស់ខ្លួនយ៉ាងយូរ នៅឯ Boston។ ប៉ុន្តែនោះមិនមែនជាកន្លែងតែមួយ ដែលលោកធ្លាប់បានរស់នៅនោះទេ។ ជាក់ស្ដែង I.M ក៏ធ្លាប់បានរស់នៅ ក្នុងប្រទេសអ៊ីស្រាអែល ផងដែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]