ភ្នំពេញ៖ កាលពីពេលម្សិលមិញនេះ មានការអបអរសាទរតារាចម្រៀងដ៏មានប្រជាប្រិយភាពលោកខេមរៈ សិរីមន្ត ពេញបណ្តាញសង្គមហ្វេសប៊ុក ក្រោយលោក និងគ្រួសារទទួលបានចំណងដៃគ្រាប់ពេជ្រមួយគ្រាប់ សមាជិកថ្មីជាកូនស្រីទី៣ ដ៏គួរឲ្យស្រលាញ់ម្នាក់ទៀត។
ជាក់ស្តែងកាលពីប៉ុន្មានម៉ោងមុននេះ តារាប្រុសដ៏មានមន្តស្នេហ៍រូបនេះ បានបង្ហាញនូវសកម្មភាព ផ្តល់ភាពកក់ក្តៅទៅកាន់កូនស្រីជាទីស្រលាញ់ដែលទើបតែនឹងកើត និងភរិយាដែលខំប្រឹងប្រែងបង្កើតកូនឲ្យខ្លួន នៅក្នុងមន្ទីរពេទ្យយ៉ាងមានសុភមង្គលយ៉ាងខ្លាំង។
ទន្ទឹមនឹងនេះដែរ លោកក៏បានបញ្ចេញសារមួយដ៏ខ្លី តែពិតជាមានអត្ថន័យយ៉ាងជ្រាលជ្រៅ បានចាក់ដោតអារម្មណ៍អ្នកគាំទ្រគ្រប់គ្នា ដោយក្នុងនោះលោកបាននិយាយទៅកាន់ ភរិយាយ៉ាងដូច្នោះថា៖«អគុណអូន បងស្កប់ស្កល់ណាស់ នៅគ្រប់យ៉ាងដែលអូនផ្ដល់ឲ្យបង ជាពិសេសកូនទាំងបីនាក់របស់យើង »។
សកម្មភាព និងសារដ៏ខ្លីមួយនេះបាន ធ្វើឲ្យមហាជនជាច្រើនសរសើរដល់លោកគ្រប់គ្នា ដែលពិតជាមានភាពផ្អែមល្ហែម និងតែងតែផ្តល់នូវសុភមង្គលទៅឲ្យភរិយាសឹងគ្រប់ពេល ជាពិសេសគឺពេលវេលាដ៏ល្អដែល ទើបតែទទួលបានកូនស្រីម្នាក់ទៀតបែបនេះ៕
សូមទស្សនារូបភាព ដ៏មានសុភមង្គលរបស់តារារូបនេះខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]