មកមើលសាលារៀនធ្វើពីឈើសុទ្ធនៅប្រេស៊ីល ជាប់ជាសាលាដែលមានហេដ្ឋារចនាសម័ន្ធល្អបំផុតក្នុងលោក

ប្រេស៊ីល៖ សាលារៀនធ្វើពីឈើមួយនេះសាងសង់ឡើងសម្រាប់ឲ្យកុមាររស់នៅតាមតំបន់ដាច់ស្រយាលក្នុងប្រទេសប្រេស៊ីល មានឱកាសបានរៀនសូត្រដូចជាក្មេងៗដទៃ ពិសេសគឺកូនកសិករតែម្តង។

យោងតាមសារព័ត៌មាន Daily Mail ដែលបានចេញផ្សាយនៅក្នុងថ្ងៃទី ២១ ខែវិច្ឆិកា ឆ្នាំ ២០១៨ កន្លងទៅនេះបានឲ្យដឹងថា សាលារៀនឈើនេះបានសាងសង់ឡើងដោយស្ថាបត្យករសញ្ជាតិប្រេស៊ីលពីររូបគឺលោក Aleph Zero និង Rosenbaum។

គេបានសាងសង់សាលារៀនឈើមួយនេះនៅជិតតំបន់ព្រៃអាម៉ាហ្សូន ស្ថិតក្នុងខេត្ត Tocantins នៃប្រទេសប្រេស៊ីល។ សាលារៀនដែលមានទីធ្លាធំទូលាយ បំពាក់សុទ្ធតែឈើនេះបានជាប់ជាសាលារៀនដែលមានហេដ្ឋារចនាសម័ន្ធល្អបំផុតមួយលើពិភពលោក។

វាបានឈ្នះពានរង្វាន់ RIBA International Prize 2018 ក្នុងការប្រកួតប្រជែងជាមួយសាលាផ្សេងទៀតសរុប ១៩៩កន្លែង មកពី១៦ប្រទេសជុំវិញពិភពលោក។

គួរឱ្យុដឹងថានៅផ្ទៃខាងក្នុងនៃសាលានេះវិញ ស្ថាបត្យករបានច្នៃប្រឌិតវាឡើងដោយមានបំពាក់សុទ្ធតែបំណែកឈើច្នៃ ធ្វើជាបន្ទប់ជាច្រើនដូចជា បន្ទប់រៀន បន្ទប់គេង សួនច្បារ ទីធ្លាសម្រាប់ក្មេងរត់លេង កន្លែងវាយប៉េងប៉ុង និងកន្លែងអង្គុយលេងយ៉ាងធំទូលាយ៕

ខាងក្រោមនេះជាកម្រងរូបភាពដែលបង្ហាញពីទិដ្ឋភាពក្នុងសាលារៀនឈើមួយនេះ៖

• ទីកន្លែង
• សាលា
• រូបភាព