គ្រាន់តែឮ សាវិន ហ្វីលីព និងភរិយាធ្វើពិធីរំឭកគុណគ្រូព្រឹកមិញនេះ សុគន្ធកញ្ញា ដកថវិកាផ្ទាល់ខ្លួនបរិច្ចាគ ៥០០$ភ្លាមៗ! (មានវីដេអូ)

ភ្នំពេញ៖ កាលពីព្រឹកព្រលឹមថ្ងៃទី២៤ ខែវិច្ឆិកា នេះ តារាសម្ដែងជើងចាស់ប្រុសស្រីល្បីឈ្មោះ លោក សាវិន ហ្វីលីព និងអ្នកស្រី សែម ឆវី បានប្រារព្ធរៀបចំធ្វើនូវកម្មវិធី «រំឭកគុណគ្រូរបាំ» នៅឯនាយកដ្ឋានសិល្បៈទស្សនីយភាព ដោយទិដ្ឋភាពនៅក្នុងកម្មវិធីពោរពេញទៅដោយ ភាពក្តុកក្តុលយ៉ាងក្រៃលែង អមជាមួយនឹងទឹកភ្នែកបង្ហាញពីភាពក្តុកក្តួលផងដែរ ។

ជាការពិតណាស់ គោលបំណងនៃការប្រារព្ធនូវកម្មវិធីនេះឡើង គឺដើម្បីបង្ហាញពីក្តីស្រលាញ់ និងទឹកចិត្តដឹងគុណលោកគ្រូអ្នកគ្រូ ព្រឹទ្ធាចារ្យផ្នែករបាំ ក៏ដូចជាសិល្បករជើងចាស់ ដែលពួកគាត់តែងតែលះបង់កម្លាំងកាយចិត្ត និងពេលវេលាសឹងតែមួយជីវិតរបស់ពួកគាត់ បង្ហាត់បង្រៀនដល់សិស្សរាប់រយពាន់នាក់។

មិនតែប៉ុណ្ណោះ ក្នុងនោះក៏មានសិល្បៈកររលកក្រោយមួយចំនួន ក៏បានបង្ហាញពីទឹកចិត្តសប្បុរសធម៌ និងការដឹងគុណយ៉ាងធំធេងរបស់ខ្លួន ចំពោះអ្នកគ្រូលោកគ្រូផងដែរ។

តួយ៉ាង ក្នុងនោះកំពូលតារាចម្រៀងស្រី ឱក សុគន្ធកញ្ញា ក៏បានបង្ហាញពីទឹកចិត្តរបស់ខ្លួន ដោយបានចូលរួមជាសប្បុរសបរិច្ចាគថវិការផ្ទាល់ខ្លួន ចំនួន៥០០ដុល្លា ជួយដល់កម្មវិធី រំឭកគុណគ្រូរបាំកាលពីព្រឹកមិញនេះ។

លើសពីនេះទៅទៀតនោះ តារាចម្រៀងស្រីជើងចាស់អ្នកនាង ម៉េង កែវពេជ្ជតា ក៏បានបង្ហាញពីទឹកចិត្តបរិច្ចាគថវិការចំនួន៥០០ដុល្លា សម្រាប់កម្មវិធីនេះផងដែរ៕ 

ទស្សនាទិដ្ឋភាពកម្មវិធីខាងក្រោម៖

• សាវិន ហ្វីលីព
• ឱក សុគន្ធកញ្ញា
• សែម ឆវី
• ជំរុញទឹកចិត្ត
• វីដេអូ
• តារាខ្មែរ