ភ្នំពេញ៖ រយៈពេល ៣ ថ្ងៃជាប់គ្នា ចាប់ថ្ងៃទី 21 ដល់ថ្ងៃទី 23 ខែវិច្ឆិកា ក្នុងពិធីបុណ្យ អុំទូក អកអំបុក និងសំពះព្រះខែ ក្រុមហ៊ុន HiteJinro ដែលជាក្រុមហ៊ុនផលិតស្រា Jinro បានបង្កើតជាបរិយាកាសរំភើបរីករាយ ក៏ដូចជាការចែករំលែកវប្បធម៌រវាងយុវជនយុវនារីជំនាន់ថ្មីកម្ពុជា តាមរយៈព្រឹត្តិការណ៍តន្រ្តី EDM 360 ធំជាងគេបង្អស់នៅក្នុងប្រទេសកម្ពុជា។
តន្រ្តី EDM 360 ធ្លាប់បានកើតឡើងម្ដងរួចមកហើយ កាលពីព្រះរាជពិធីបុណ្យអុំទូកឆ្នាំមុន តែសម្រាប់ឆ្នាំនេះរឹតតែធំជាងឆ្នាំមុន ព្រោះថាវត្តមាន DJ Soda បានត្រៀមខ្លួនជាស្រេចនាំយកចង្វាក់ថ្មីៗមកបង្ហាញ ដែលធ្វើឲ្យកម្មវិធីទទួលបាននូវភាពសប្បាយរីករាយ។ រឹតតែពិសេសជាងនេះ DJ ល្បីៗមកពីប្រទេសកូរ៉េ ថៃ ឡាវ កម្ពុជា និងជាច្រើនទៀត ដែលប្រៀបបានទៅនឹងការច្របាច់បញ្ចូលគ្នារវាងវប្បធម៌ជាច្រើនពីប្រទេសជិតខាង មកចែករំលែកក្នុងទីតាំងតែមួយ គឺនៅកោះពេជ្រក្នុងរយៈពេល៣ថ្ងៃ ក្នុងព្រះរាជពិធីបុណ្យអុំទូក។
លោក Hwang Jungho នាយកគ្រប់គ្រងពាណិជ្ជកម្មអន្តរជាតិរបស់ក្រុមហ៊ុន ជីនរ៉ូ បានមានប្រសាសន៍ថា កម្មវិធីនេះ គឺរៀបចំឡើងក្រោមកិច្ចសហប្រតិបត្តិរវាង៤ប្រទេស គឺប្រទេសកូរ៉េ ថៃ ឡាវ និងកម្ពុជា ក្នុងគោលបំណងនាំយកនូវភាពរំភើបអស្ចារ្យដល់យុវវ័យកម្ពុជា និងអតិថិជន Jinro ទាំងអស់។
លោក Jungho បានបន្តថា៖
«ស្រា ជីនរ៉ូ នឹងនាំលោកអ្នកជួបជាមួយឌីជេ និងតារាល្បីៗ ជាមួយបទពិសោធនៃ បច្ចេកទេសពន្លឺ និងបច្ចេកទេសសម្លេងលំដាប់អន្តរជាតិ ជាពិសេសបច្ចេកទេសតុបតែងឆាកដ៏អស្ចារ្យ ព្រមទាំងកម្មវិធីកម្សាន្តសប្បាយយ៉ាងច្រើនទៀត»។
លោកសង្ឃឹមថា ជីនរ៉ូ នឹងស្ថិតក្នុងដួងចិត្តយុវវ័យគ្រប់រូប បន្ទាប់ពី EDM 360 Festival បានបញ្ចប់ទៅ។
កម្មវិធីប្រគំតន្ត្រី ចាប់ផ្តើមពីម៉ោង៥ល្ងាច ដល់ម៉ោង២ព្រឹក ដែលជាពេលវេលាដ៏រីករាយសម្រាប់រាំលេង ជាមួយតារាក្នុងចិត្តរបស់អ្នក ព្រមទាំងការភ្លក្សនូវរសជាតិស្រាលស្រទន់របស់ជីនរ៉ូ ។ ជីនរ៉ូ ជាស្រាសូជូ ពេញនិយម និងលក់ដាច់បំផុតនៅប្រទេសកូរ៉េ។
តោះមកមើលរូបភាពខ្លះពីកម្មវិធី EDM 360 Festival៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]