ថៃ: ក្រោយពេលដែលដំណឹងស្នេហារបស់កម្លោះសង្ហា James Jirayu ត្រូវបានប្រកាសក្ដែងៗថា មានសង្សារហើយ ពេលនេះ ក៏មានអ្នកគាំទ្រជាច្រើននាក់ ដែលកំពុងតែចាំតាមដានពីសកម្មភាពផ្ទាល់ខ្លួនរបស់លោក ជាមួយនារីប្លែកៗមុខគ្រប់ទីកន្លែង។
ក្នុងនោះដែរ ក៏មានអ្នកគាំទ្រជាច្រើន បានរកឃើញនារីវ័យក្មេងម្នាក់ ដែលត្រូវបានមហាជនភាគច្រើន លូចគិតថា ពិតជាមិត្តស្រីរបស់លោក James Jirayu ពិតប្រាកដមែន។ ព្រោះថា ពួកគេទាំងពីរ រមែងតែងតែផុសរូបភាពទៅណាមកណា ជាមួយទីកន្លែងដូចគ្នា និងពេលវេលាដំណាលគ្នា ជានិច្ច។ ជាពិសេសទៅទៀត ពួកគេទាំងពីរ ក៏មានការលេងស្ទីលតុបតែងខ្លួន ព្រមទាំងរបស់របរប្រើប្រាស់តាមបែបប្រភេទគូស្នេហ៍ដូចគ្នា ថែមទៀតផងដែរ។
ហើយមកទល់ដល់ពេលនេះ លោក James Jirayu ក៏នៅតែមិនទាន់បានចេញប្រតិកម្មអ្វី ជាមួយការចាប់បានរបស់អ្នកគាំទ្រថា ជារឿងពិត ឬមិនពិត នៅឡើយនោះទេ។ តែយ៉ាងណាមិញ អ្នកគាំទ្រភាគច្រើន មានការពេញចិត្តជាខ្លាំង ទៅលើនារីខាងលើនេះ ថា ពិតជាសាកសមគ្នាជាមួួយលោក បើទោះបីជា នាងមិនមែនជាអ្នកសិល្បៈ ក៏ដោយចុះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]