កំពុងខ្សត់ស្រីៗផង! ស្រីស្អាតប្រណាំងឡាន តែបើកល្បឿនអាប៉ូឡូ ជួបគ្រោះថ្នាក់ធ្ងន់ (មានវីដេអូ)

ម៉ាកាវ៖ ហេតុការណ៍ដ៏គួរឱ្យរន្ធត់មួយបានកើតឡើង ខណៈកម្មវិធីប្រណាំងរថយន្ត ម៉ាកាវហ្គ្រ៊ែនព្រីស៍កំពុងប្រព្រឹត្តទៅបាន ៤ ជុំប៉ុណ្ណោះ ដោយកីឡាការិនីម្នាក់បានបាត់បង់ម្ចាស់ការ ហើយរថយន្តរបស់នាងបានហោះឡើងស្ទុយក្នុងល្បឿនប្រហែលនឹងមីស៊ីលទៅហើយ រួចក៏បុកនឹងកែងផ្លូវមួយដែលជាចំណុចបត់រថយន្ត កាលពីថ្ងៃអាទិត្យសប្តាហ៍មុននេះ។

ក្រោយគ្រោះថ្នាក់នេះកើតឡើង កីឡាការិនីដែលមានឈ្មោះ Sophia Floersch ជនជាតិអាល្លឺម៉ង់ និងមានវ័យទើបតែ ១៧ ឆ្នាំត្រូវបានបញ្ជូនទៅមន្ទីរពេទ្យភ្លាមៗ ជាមួយកីឡាករជប៉ុនម្នាក់ឈ្មោះ Sho Tsuboi អ្នកថតរូបពីរនាក់ព្រមទាំងមន្ត្រីប៉ូលិសម្នាក់ផងដែរ។

មកទល់ពេលនេះ កីឡាការិនីរងគ្រោះរូបស្រស់បានដឹងខ្លួនវិញហើយ ប៉ុន្តែឆ្អឹងខ្នងរបស់នាងបានប្រេះ បន្ទាប់ពីជួបឧបទ្ទវហេតុដ៏គួរឱ្យតក់ស្លុតនេះ។ មកទល់ពេលនេះ កីឡាការិនីរងគ្រោះរូបស្រស់បានដឹងខ្លួនវិញហើយ ប៉ុន្តែឆ្អឹងខ្នងរបស់នាងបានប្រេះស្រាំ ខណៈជនរងគ្រោះផ្សេងទៀតមានកម្រិតស្រាលប៉ុណ្ណោះ ហើយនាងក៏បានអរគុណដល់អ្នកដែលបារម្ភ និងគាំទ្រផងដែរ។

ទោះយ៉ាងណា ព្រឹត្តការណ៍នេះត្រូវបានពន្យារមួយរយៈខ្លី រួចក៏បន្តជាធម្មតាឡើងវិញរហូតដល់បញ្ចប់៕

សូមទស្សនាវីដេអូខាងក្រោម៖

តើប្រិយមិត្តយល់យ៉ាងណាដែរ?

• វីដេអូ
• គ្រោះថ្នាក់ចរាចរណ៍