ភ្នំពេញ៖ ដំណឹងដ៏សែនក្រៀមក្រំបំផុតសម្រាប់កូនខ្មែរ ដែលត្រូវបាត់បង់កវីជើងចាស់ដ៏ឆ្នើមមួយរូប ដែលពោរពេញទៅដោយស្នាដៃ គឺព្រឹទ្ធភិរម្យវោហាសាស្ត្រ ប្រាជ្ញ ឈួន ដែលលោកបានទទួលមរណភាព កាលពីថៃ្ងសៅរ៍ ទី១៧ ខែវិច្ឆិកា ឆ្នាំ២០១៨ វេលាម៉ោង ១:៣០នាទីយប់ ក្នុងព្រះជន្ម៨២ឆ្នាំ ដោយរោគាពោធ។
យ៉ាងណាមិញ ក្រោយពីទទួលមរណភាព សពរបស់លោកតា ត្រូវបានយកទៅតម្កល់ នៅឯសាលាធម្មសភាវត្តបទុមវតី ដើម្បីប្រារព្ធធើ្វបុណ្យតាមប្រពៃណីព្រះពុទ្ធសាសនា។
គួរបញ្ជាក់ផងដែរថា បើគិតមកទល់ពេលនេះពោលគឺនៅថ្ងៃទី ១៩ ខែវិច្ឆិកានេះ គឺជាថ្ងៃទី៣ហើយក៏ជាថ្ងៃចុងក្រោយដែលកូនខ្មែរ បានជួបនឹងរូបរាងកាយរបស់ ព្រឹទ្ធភិរម្យវោហាសាស្ត្រ ប្រាជ្ញ ឈួន ពីព្រោះថា នៅវេលាម៉ោង៥ល្ងាចបន្តិចទៀតនេះ គេនឹងធ្វើការបូជាសពរបស់លោកតា លាចាកពីកូនចៅជារៀងរហូតហើយ។
តួយ៉ាងបើទោះបីជា លោកតាបានចាកឆ្ងាយពីកូនខ្មែរក៏ពិតមែនក្តី ប៉ុន្តែលោកតាក៏នៅតែបាន បន្សល់ទុកនូវស្នាដៃ ក៏ដូចជាមរតកសំនៀងជាច្រើន ដល់កូនខ្មែរបានសិក្សានិងចងចាំទុកផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
