អូនម៉ី និងគ្រួសារ ជ្រើសយកសម្លៀកបំពាក់ប្រពៃណី ពណ៌លឿងស្លៀកទាំងអស់គ្នា ឡើងចាំងភ្នែក

ភ្នំពេញ៖ តារាសម្តែងវ័យក្មេងដ៏មានប្រជាប្រិយភាព អៀ ម៉េងលិ ហៅអូនម៉ី កាន់តែមានរូបសម្រស់ស្រស់ស្អាត ទាក់ទាញអ្នកគាំទ្រ ក៏ដូចជាអ្នកលេងបណ្តាញសង្គមកាន់តែខ្លាំងឡើង។

ទន្ទឹមនឹងភាពស្រស់ស្អាត ភាពលេចធ្លោរបស់នាង បានធ្វើឲ្យអ្នកគាំទ្រភាគច្រើនចាប់អារម្មណ៍ទៅលើស្ទាយ៍តែងខ្លួនរបស់នាងតែងតែប្លែកៗ និងស្រស់ស្អាតឡូយឆាយយ៉ាងគួរឲ្យទាក់ចិត្តតែម្តង។ តែកាលពីពេលថ្មីៗនេះដែរ តារាស្រីរូបនេះ ក៏បានបង្ហាញនូវម៉ូតសម្លៀកបំពាក់បែបប្រពៃណីវិញម្តង ដែលមើលទៅពិតជាប្លែកភ្នែកជាងសព្វដងទៅទៀត។

ដោយក្នុងនោះនាងបានជ្រើសរើសសម្លៀកបំពាក់បែបប្រពៃណី ពណ៌លឿងជាមួយនឹងគ្រួសារ ក្នុងកម្មវិធីបុណ្យគម្រប់ខួប១០ឆ្នាំ ដែលពិតជាស្រស់ស្អាតសុភាព និងប្លែកភ្នែកតែម្តង។

រាល់រូបភាពជាច្រើនសន្លឹករបស់នាង បានធ្វើឲ្យអ្នកគាំទ្រពេញចិត្ត សរសើរដល់នាងគ្រប់គ្នា ថែមទាំងមានការស៊ែរ ភ្ជាប់ជាមួយពាក្យសរសើរដល់នាងគ្រប់គ្នា៕

រូបភាព៖ ហ្វេសប៊ុក ម៉េងលិ

សូមទស្សនារូបភាពខាងក្រោមនេះ៖

• អៀ ម៉េងលិ( ហៅអូនមី)
• តារាខ្មែរ