ខេត្តកំពង់ធំ ៖ ប្តីស្រវឹងបានវាយប្រពន្ធរហូតដល់ស្លាប់បានកើតឡើងកាលពីវេលាម៉ោង១រំលងអធ្រាត្រឈានចូលថ្ងៃទី១៨ ខែវិច្ឆិកា ឆ្នាំ២០១៨ នៅចំណុចភ្នំគោលស្ថិតក្នុងភូមិសាស្ត្រភូមិអូរធំ ឃុំបឹងល្វា ស្រុកសន្ទុក ខេត្តកំពង់ធំ។
សមត្ថកិច្ចបានឱ្យដឹងថា ជនសង្ស័យជាប្តីឈ្មោះ រ៉ន ស្រៀង ហៅស្រ៊ី អាយុ៤១ឆ្នាំ រស់នៅភូមិបឹងល្វា ឃុំបឹងល្វា ស្រុកសន្ទុក បច្ចុប្បន្នមកធ្វើជាកម្មករចាំចំការឱ្យឈ្មោះ អ៊ុន ញ៉ ស្នាក់នៅចំណុចកើតហេតុខាងលើ ។
ចំណែកជនរងគ្រោះដែលស្លាប់ត្រូវជាប្រពន្ធឈ្មោះសាំង ស៊ីហាន អាយុ៣៩ឆ្នាំ មុខរបរចាំចំការជាមួយប្តី ។
ក្រោយពីទទួលបាននូវព័ត៏មានខាងលើនេះភ្លាម កំលាំងជំនាញខេត្ត និងស្រុក បានចុះទៅដល់ទីកន្លែងកើតហេតុដើម្បីធ្វើការស៊ើបអង្កេតស្រាវជ្រាវពិនិត្យទីកន្លែងកើតហេតុ និងសព ហើយសមត្ថកិច្ចបានរកឃើញថា ស្ត្រីរងគ្រោះត្រូវជនសង្ស័យវាយនឹងបន្ទះក្តារ, រំពាត់ឈើ , រំពាត់មែកឫស្សី និងកំណាត់ដំបងឈើចំលើដងខ្លួន ជើង និងដៃទាំងសងខាងឡើងជាំ ទក់សាច់ រងរបួសយ៉ាងធ្ងន់ធ្ងរ បណ្តាលអោយស្លាប់នៅក្បែរដើមស្វាយចន្ទីយ៉ាងអាណោចអាធ័ម។
ពាក់ព័ន្ធនឹងករណីខាងលើ សមត្ថកិច្ចកំណត់បានថាគឺជាករណីអំពើឃាតកម្ម ហើយមូលហេតុមកពីប្តីស្រវឹងឈ្លោះទាស់ទែងគ្នាជាមួយនឹងប្រពន្ធ ទើបជនសង្ស័យជាប្តីក៏បានវាយប្រពន្ធរហូតដល់ស្លាប់តែម្តង។
ក្រោយពីពិនិត្យរួច សពត្រូវបានសមត្ថកិច្ចធ្វើកំណត់ហេតុ និងប្រគល់សពជូនទៅសាច់ញាតិ ដើម្បីយកទៅធ្វើបុណ្យតាមប្រពៃណី ។
ក្រោយពេលកើតហេតុ ជនសង្ស័ជាប្តីនេះត្រូវបានសមត្ថកិច្ចឃាត់ខ្លួនដើម្បីកសាងសំណុំរឿងបញ្ជូនទៅកាន់សាលាដំបូងខេត្តកំពង់ធំចាត់ការតាមនីតិវិធី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]