ភ្នំពេញ៖ ប្អូនប្រុស ទូច សាលីក បានធ្វើឲ្យប្រជាជនខ្មែរជាច្រើន ជាពិសេសមនុស្សជាច្រើនពេញពិភពលោកបានស្គាល់ ជាមួយនឹងទេពកោសល្យសមត្ថភាព ដែលអាចនិយាយ១៥ភាសា ខណៈពេលដែលប្អូនប្រុសនៅក្មេង និងយកពេលលក់ដូរគ្រឿងអនុស្សាវរីយ៍នៅពេលទំនេរពីការសិក្សាប៉ុណ្ណោះ។
ដោយសារតែសមត្ថភាពដ៏ល្អកម្ររកបាននេះ បានធ្វើឲ្យពិភពលោកពិតជាមានការភ្ញាក់ផ្អើលយ៉ាងខ្លាំង នៅពេលដែលឃើញកូនក្មេងជាច្រើននាក់អាចនិយាយបានច្រើនភាសាបែបនេះ ទាំងដែលពួកគេមិនបានទៅសាលារៀន។ មិនត្រឹមតែប៉ុណ្ណោះភាពល្បីល្បាញនេះ ក៏បានធ្វើឲ្យសារព័ត៌មានធំៗជាច្រើន មកយកព័ត៌មានពីក្មេងៗទាំងនេះដោយផ្ទាល់ទៀតផង។
ជាក់ស្តែងកាលពីពេលថ្មីៗនេះ ក៏បានលេចនូវវីដេអូសកម្មភាពនៅខាងក្រៅរបស់ក្មេងប្រុសទូច សាលីក នៅលើបណ្តាញសង្គម ដោយមានជនជាតិបរទេសជាច្រើន បាននាំគ្នាចោមរោមសុំថតប្អូនប្រុស ជាមួយនឹងភាពរាក់ទាក់ពោរពេញដោយស្នាមញញឹម។
លើសពីនេះបន្ទាប់ពីមានគេសុំថតបែបនេះ សាលីក ក៏បាននិយាយភាសាចិន ទៅកាន់ពួកគេ ជាមួយនឹងកាយវិការសំពះ យ៉ាងសាកសមជាកូនខ្មែរតែម្តង។ សកម្មភាពទាំងនេះបានធ្វើឲ្យមហាជនជាច្រើន ពិតជារំភើបជំនួសប្អូនប្រុស ដែលត្រឹមតែមួយរយៈដ៏ខ្លី ស្រាប់តែមានឈ្មោះល្បីល្បាញបែបនេះ៕
សូមទស្សនាវីដេអូសកម្មភាព ជនបរទេសសុំប្អូនប្រុស ថតរូបខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]