រាជធានីភ្នំពេញ ៖ តារាកំប្លែងនាយ ក្តឹប ត្រូវបានក្រុមគ្រួសារបញ្ជូនទៅសង្គ្រោះបន្ទាន់នៅមន្ទីរពេទ្យ កាល់ម៉ែត បន្ទាប់ពីអាការៈជំងឺរបស់លោកមានសភាពធ្ងន់ធ្ងរ។ បើយោងតាមការបង្ហោះពីហ្វេសប៊ុកសិល្បះករ ចាប៉ីដងវែង លោក សាន សុវណ្ណឌឿន បានឲ្យដឹងថា នាយ ក្តឹប កំពុងស្ថិតនៅក្នុងការសង្ក្រោះបន្ទាន់នៅក្នុងមន្ទីរពេទ្យ។ ដោយមិនច្បាស់ពីមន្ទីរពេទ្យណាដែលនាយ ក្តឹប កំពុងសម្រាក ប៉ុន្តែលោក សាន សុវណ្ណឌឿន គ្រាន់តែបានបញ្ជាក់ថា នាយ ក្តឹប មានជំងឺស្ពោតសរសៃឈាមខួរក្បាល និងជំងឺមួយចំនួនទៀត។
នាយ ក្តឹប គឺជាតារាកំប្លែងមួយរូបដែលតែងតែបង្ហាញវត្តមានសម្តែងក្នុងក្រុមនាយក្រឹម ក្នុងកម្មវិធីតន្ត្រីស្រុកស្រែ និងសំណើចចុងសប្តាហ៍របស់ទូរទស្សន៍បាយ័ន។ កន្លងមកតារាកំប្លែងរូបនេះក៏ធ្លាប់ទទួលរងនូវជំងឺប្រចាំកាយ ផ្សេងៗផងដែរ ប៉ុន្តែលោកនៅតែបន្តវត្តមានសម្តែងជាបន្តបន្ទាប់ មុនពេលលោកធ្លាក់ខ្លួនឈឺធ្ងន់នាពេលនេះ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]