ភ្ញាក់ផ្អើលពេលឃើញ រដ្ឋមន្ត្រីវ័យក្មេងម៉ាឡេស៊ីដ៏សង្ហា ផ្ញើសារទៅកាន់នារីកម្ពុជា ក្រោយនាងផ្ញើសំបុត្រមួយច្បាប់

ម៉ាឡេស៊ី៖ កាលពីពេលថ្មីៗនេះមានការភ្ញាក់ផ្អើលពេញហ្វេសប៊ុក ក្រោយរដ្ឋមន្ត្រីរូបសង្ហានៃក្រសួងយុវជន និងកីឡាម៉ាឡេស៊ី លោកSyed Saddiq Syed Abdul Rahman បានបង្ហោះសារភ្ជាប់ជាមួយនឹងកាដូ និងសំបុត្រមួយច្បាប់ ដែលនារីកម្ពុជាមួយរូបបានសរសេរដោយផ្ទាល់ដៃដើម្បីផ្ញើជូនលោក។

ទន្ទឹមនឹងនេះដែរ ក៏មានការស៊ែរតៗគ្នានៅក្នុងបណ្តាញសង្គម ដើម្បីឲ្យនារីម្ចាស់សំបុត្ររូបនេះបានឃើញផងដែរ ដោយសបុត្រនោះនាងបានសរសេរយ៉ាងល្អបំផុត ជាមួយនឹងពាក្យបង្កប់ នូវអត្ថន័យថ្លែងអំណរគុណ ដែលលោកបានជម្រុញទឹកចិត្ត ផ្តល់នូវដំបូន្មានល្អជាច្រើន សម្រាប់​យុវជន​អាស៊ាន​ ដើម្បីឲ្យពួកគេមានភាពរឹងមាំ។

ក្រោយពីបានឃើញនូវអត្ថន័យខ្លឹមសាររបស់នាង រដ្ឋមន្ត្រីរូបសង្ហានៃក្រសួងយុវជន និងកីឡាម៉ាឡេស៊ី លោកSyed Saddiq Syed Abdul Rahman ក៏បានឆ្លើយតបភ្លាមៗនៅលើបណ្តាញសង្គមរបស់ខ្លួនយ៉ាងដូច្នោះថា៖

«មកដល់Office ថ្ងៃនេះ ស្រាប់តែបានឃើញប្រអប់មួយនៅលើតុ ដែលបានមកពីជនជាតិខ្មែរដ៏រួសរាយម្នាក់។ ខ្ញុំពិតជាមានការភ្ញាក់ផ្អើលខ្លាំងណាស់ នៅពេលដែលបានឃើញកាដូតុក្កតា និងសំបុត្រដែលសរសេរផ្ទាល់ដៃមួយច្បាប់។ ខ្ញុំប្រហែលជាមិនធ្លាប់បានជួបអ្នកពីមុនមកទេ ក៏ប៉ុន្តែពិតជាអរគុណចំពោះកាដូដ៏មានតម្លៃមួយនេះ ហើយអរគុណដែលបានទុកគណនីអ៊ីនស្តារក្រាម(Instagram) របស់អ្នកបើសិនជាថ្ងៃណាមួយខ្ញុំបានទៅប្រទេសកម្ពុជា ខ្ញុំនឹងទាក់ទងទៅអ្នក។ រឹងមាំឡើង មានស្មារតីល្អ ហើយសូមឲ្យយុវជនអាស៊ានបន្ដអំពើល្អទាំងនេះទៀត »។

បន្ទាប់ពីបានឃើញដូច្នោះ បណ្តាអ្នកលេងបណ្តាញសង្គម ក៏មានការភ្ញាក់ផ្អើល ដោយមិននឹកស្មានថារដ្ឋមន្ត្រីរូបសង្ហាម្នាក់នេះ បានឆ្លើយតបនូវអ្វីដែល យុវជនខ្មែរម្នាក់នេះបានសរសេរឲ្យបែបនេះ៕

សូមទស្សនារូបភាពខាងក្រោមនេះ៖

• ជំរុញទឹកចិត្ត