ភ្នំពេញ៖ អតីតតារាចម្រៀងប្រចាំផលិតកម្មហង្សមាស លោកងួន ចាន់ដេវីត បានប្រែខ្លួនទៅជាតារាចម្រៀងឯករាជ្យ ដែលបានចេញចម្រៀងថ្មីៗ ទទួលបានការចាប់អារម្មណ៍ ពីសំណាក់បណ្តាអ្នកគាំទ្រនៅក្នុងប្រទេសជាច្រើន។
តែបើងាកទៅមើលជីវិតឯកជនរបស់ តារាប្រុសរូបនេះនាពេលបច្ចុប្បន្នវិញ ក៏មិនណយដែរ មិនថាលុយឡាន ឬសំភារៈនិយមគ្រឿងអលង្ការតែងតែថ្មីៗជានិច្ ច ហើយបើរឿងស្នេហាវិញ ក៏កាន់តែផ្អែមល្ហែម និងមានសុភមង្គលនឹងគ្នាកាន់តែខ្លាំងឡើងគួរឲ្យសរសើរ។
យ៉ាងណាមិញរាល់ពេលតារាប្រុសរូបនេះ ចូលរួមកម្មវិធីម្តងៗលោកតែងតែធ្វើខ្លួនប្លែកៗគួរឲ្យចាប់អារម្មណ៍ ក៏ប៉ុន្តែលោកមិនភ្លេចទេ ជាមួយនឹងគ្រឿងអលង្ការដើម្បីលម្អខ្លួនប្រាណ ឲ្យមើលទៅកាន់តែឡូយឆាយនោះ។ ជាក់ស្តែងកាលពីពេលថ្មីៗនេះដែរ តារាប្រុសរូបរាងស្រស់សង្ហារូបនេះ បានបង្ហាញឈុតគ្រឿងអលង្ការ ខ្សែ.កម៉ូតពស់ នៅក្នុងកម្មវិធីមួយ។
ដែលសម្រាប់តម្លៃខ្សែ.ក បានច្នៃឡើងយ៉ាងស្រស់ស្អាត មានដាំត្បូងជាច្រើនមួយនេះ មានតម្លៃរហូតទៅដល់ជិត៤ម៉ឺនដុល្លារ ឯណោះ នេះបើយោងតាមហាងលក់គ្រឿងអលង្ការមួយបានបង្ហាញ។ បន្ទាប់ពីបានដឹងយ៉ាងដូច្នោះ អ្នកគាំទ្រជាច្រើន ពិតជាមិននឹកស្មានថា លោកចំណាយលុយច្រើនយ៉ាងនេះ ដើម្បីប្តូរម៉ូតគ្រឿងអលង្ការម្តងៗ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
