ភ្នំពេញ៖ បវរកញ្ញាកម្ពុជាកញ្ញារឿន ណាត បានរៀបចំខ្លួនរួចជាស្រេច និងសង្ឃឹមថានឹងប្រឹងអស់ពីសមត្ថភាព ក្នុងការប្រលងបវរកញ្ញាចក្រវាល Miss Universe 2018 នៅលើទឹកដីប្រទេសថៃ ដើម្បីធ្វើការប្រកួតយកជ័យជំនះមកកាន់ប្រទេសកម្ពុជាយើង។
កាលពីមួយរយៈពេលមុននេះ ខ្មែរឡូត ក៏បានធ្វើការសាកសួរ ក៏ដូចជាចុះទៅថតដោយផ្ទាល់ជាមួយនឹងការច្នៃម៉ូត សម្លៀកបំពាក់ ក៏ដូចជាគ្រឿងលម្អដែលបវរកញ្ញាដ៏ស្រស់ស្អាត តំណាងឲ្យប្រទេសកម្ពុជារូបនេះ យកសម្រាប់ស្លៀកឡើងប្រកួតនៅក្នុងកម្មវិធីលំដាប់ថ្នាក់ពិភពលោក ដែលចំណាយអស់ទឹកប្រាក់ជាង៣ពាន់ដុល្លារ។
ជាក់ស្តែងកាលពីប៉ុន្មានម៉ោងមុននេះ កញ្ញារឿន ណាត ក៏បានធ្វើការស្លៀកពាក់ជាមួយនឹងឈុតមួយនេះ ជាលើកដំបូងដើម្បីបង្ហាញដល់ប្រជាជនខ្មែរបានដឹង។នៅក្នុងនោះដែរ ឃើញថាការច្នៃសម្លៀកបំពាក់នេះគឺពិតជាស្អាត និងមានអត្ថន័យយ៉ាងជ្រាលជ្រៅ មានរូបប្រាសាទអង្គរវត្ត ទង់ជាតិកម្ពុជា ដើមត្នោត និងផែនទីនៃប្រទេសកម្ពុជា ជាមួយនឹងការបង្កប់នូវអត្ថន័យយ៉ាងជ្រាលជ្រៅ។
ដោយក្នុងនោះត្រូវបានគេដឹងថា ឈុតមួយនេះមានឈ្មោះថា« កម្ពុជាព្រះរាជាណាចក្រអច្ឆរិយ:» ដែលនៅពេលដែលនាងបានគ្រងនៅឈុតនេះ ពិតជាស្រស់ស្អាតខ្លាំង សាកសមជានារីខ្មែរ និងធ្វើឲ្យឈុតតំណាងជាតិមួយនេះកាន់តែស្អាត និងអស្ចារ្យកាន់តែខ្លាំងឡើង។
ទន្ទឹមនឹងនេះដែរ មហាជនជាច្រើនក៏បានជូនពរនាង ឲ្យជួបភាពជោគជ័យ នៅក្នុងការប្រកួតនៅថ្ងៃខាងមុខនេះ៕
តើប្រិយមិត្តយល់យ៉ាងណាដែល ចំពោះម៉ូតសម្លៀកបំពាក់តំណាងឲ្យប្រទេសកម្ពុជាមួយនេះ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]