រូបភាពទាំងនេះ ធ្វើឲ្យអ្នកគាំទ្រគិតថា V អាចនឹងក្លាយជាលោកប៉ាដ៏អស្ចារ្យ នៅថ្ងៃអនាគត

កូរ៉េខាងត្បូង ៖ វាមិនមែនជារឿងដែលចម្លែកនោះទេ ដែលអ្នកគាំទ្ររបស់ តារាប្រុសដ៏ល្បីឈ្មោះដូចជា V តែងតែបានឃើញពី ភាពស្និទ្ធស្នាលរបស់លោក ជាមួយនឹងក្មេងៗ ដែលមើលទៅពិតជាគួរឲ្យស្រលាញ់ខ្លាំងណាស់ រហូតធ្វើឲ្យពួកគេអត់មិនគិតមិនបានថា នៅថ្ងៃអនាគត V ច្បាស់ជា ក្លាយជាលោកប៉ាក៏សែនកក់ក្ដៅ នឹងអស្ចារ្យបំផុត សម្រាប់កូនៗរបស់លោកជាមិនខាន។

ជាការពិតណាស់ V ត្រូវបានគេស្គាល់ថា ជាតារាប្រុសមួយរូប ដែលស្រលាញ់ចូលចិត្តក្មេងបំផុត ពោលគឺ លោកតែងតែបង្ហាញពី ស្នាមញញឹមដ៏កក់ក្ដៅ និងភាពរីករាយយ៉ាងក្រៃលែង រាល់ពេលដែលលោក បានជួបនឹងក្មេងៗ។

មិនត្រឹមតែប៉ុណ្ណោះទេ លោកមិនអាចបណ្ដោយឲ្យឱកាសទាំងនោះ រំលងផុតទៅបានឡើយ គឺឲ្យតែជួបនឹងក្មេងៗ V តែងតែលើកយកមកពរ និងឱបយ៉ាងស្និទ្ធ ពោរពេញដោយក្ដីស្រលាញ់។

ក្នុងនោះដែរ លោកក៏ធ្លាប់បាននិយាយ ក្នុងបទសម្ភាសន៍មួយផងដែរថា ថ្ងៃអនាគត លោកចង់បានកូនចំនួន ៥នាក់ គឺកូនប្រុស ៤នាក់ និងកូនស្រីម្នាក់ ប្រសិនបើលោកមានពេល។ ប៉ុន្តែបើគ្មានពេលវេលាគ្រប់គ្រាន់ ដើម្បីមើលថែ លោកចង់បានកូនចំនួន ៣នាក់៕

ទស្សនារូបភាព ដ៏គួរឲ្យស្រលាញ់របស់ V និងក្មេងៗខាងក្រោម ៖

• តារាកូរ៉េ