ឆេះឡើងងងឹតមេឃ! ទិដ្ឋភាពភ្លើងឆេះព្រៃនៅកាលីហ្វរញ៉ា ដែលបណ្តាលឱ្យស្លាប់និងរងគ្រោះរាប់សែននាក់ (មានវីដេអូ)

អាមេរិក៖ ហេតុការណ៍ភ្លើងឆេះព្រៃដ៏ងងឹតមេឃ ដែលបាននិងកំពុងឆាបឆេះយ៉ាងសន្ធោរសន្ធៅនៅក្រុងផារ៉ាដាយស៍ រដ្ឋកាលីហ្វរញ៉ា នៃសហរដ្ឋអាមេរិក ហើយចាប់ផ្តើមកើតឡើងកាលពីរសៀលថ្ងៃព្រហស្បតិ៍កន្លងទៅនេះ បានសម្លាប់មនុស្សយ៉ាងតិច ២៥ នាក់ ខណៈ ១១០ នាក់កំពុងបាត់ខ្លួន រីឯប្រជាជនជាង ២៥០,០០០ នាក់ផ្សេងទៀតកំពុងជម្លៀសខ្លួនទៅរកទីសុវត្ថិភាព។ 

រហូតមកទល់ពេលនេះ សាកសពចំនួន ២៣ ត្រូវបានរកឃើញនៅកាលីហ្វរញ៉ាខាងជើង ខណៈ ២ ទៀតបានឆេះខ្ទេចក្នុងរថយន្តមួយគ្រឿង នៅប៉ែកខាងជើងនៃរដ្ឋនេះ។ ដើម្បីសម្រួលដល់ការរកសពជនរងគ្រោះ អាជ្ញាធរបានហៅគ្រូពេទ្យកុសលវិច្ច័យចំនួន ៥ ក្រុម ឱ្យជួយស្វែងរកបំណែកនៃអ្នកដែលបាត់បង់ជីវិត ដោយអ្នកខ្លះនៅសល់តែកម្ទេចឆ្អឹងតូចៗប៉ុណ្ណោះ។

គួរបញ្ជាក់ថា នេះជាភ្លើងឆេះព្រៃដ៏សាហាវបំផុតក្នុងប្រវត្តិសាស្ត្រក្នុងរដ្ឋមួយនេះ ដោយដុតបំផ្លាញអគារយ៉ាងតិច ៦,៧១៣ ខ្នង ដែលភាគច្រើនគឺជាផ្ទះសម្បែងរបស់ប្រជាជន ខណៈមូលហេតុប្រហែលបណ្តាលមកពីទុស្សេខ្សែភ្លើង ហើយគេរំពឹងថានឹងឆេះរហូតដល់បញ្ចប់សប្តាហ៍នេះ៕ 

សូមទស្សនាវីដេអូខាងក្រោម៖

• ធម្មជាតិ
• វីដេអូ
• រូបភាព