នាវាចម្បាំងដ៏ធំមួយនេះបានលិចចូលក្នុងសមុទ្រ បន្ទាប់ពីការបុកទង្គិចគ្នាជាមួយនឺងនាវាដឹកប្រេង (មានវីដេអូ)

ន័រវែស៖ យោងតាមសារព័ត៌មាន BBC ដែលបានចេញផ្សាយនៅថ្ងៃទី០៨ ខែ វិច្ឆិកា ឆ្នាំ២០១៨ បានឲ្យដឹងថា  នាវាចម្បាំងដ៏ធំមួយរបស់ប្រទេសន័រវែសបានលិច បន្ទាប់ពីការទង្គិចគ្នាជាមួយនឹងនាវាដឹកប្រេង។

ហេតុការណ៍នេះកើតឡើងនៅវេលាម៉ោង ៤ល្ងាច ថ្ងៃព្រហស្បត្តិ៍ ទី០៨ ឆ្នាំ ២០១៨ នៅតំបន់ឈូងសមុទ្រ Hjeltefjorden នៃទីក្រុង Benjer ។

មកទល់ពេលនេះ អាជ្ញាធ័រន័រវែសបាននិងកំពុងស្វះស្វែងរក ជាមួយក្រុមការងារជាប់ពាក់ព័ន្ធដែលចុះទៅជួយសង្គ្រោះមនុស្សប្រមាណ១៣៧នាក់ជាប់ក្នុងនាវាឲ្យបានទាន់ពេលវេលា។ ក្នុងនោះគេឃើញមានមនុស្ស៨នាក់ ទទួលរងរបួសផងដែរ។

យោងតាមប្រសាសន៍របស់អាជ្ញាធរប្រទេសន័រវេសបានឲ្យដឹងថា "នាវាចម្បាំង ឈ្មោះ The KNM Helge Ingstad បានធ្វើដំណើរតាមផ្លូវទឹកមកមាតុភូមិវិញ បន្ទាប់ពីការចេញទៅសមប្រយុទ្ធយោធាជាមួយនឹងនាវាចម្បាំងផ្សេងទៀតដែលជាសមាជិកក្នុងអង្គការណាតូ (NATO)"។

គាត់បន្តថា "ស្រាប់តែជិះមិនទាន់ដល់ផែចុះចតផង នាវាចម្បាំងមួយនេះក៏ត្រូវបាននាវាដឹកប្រេង the Sola TS បុកទទឹងទិសផ្អៀងកន្ទុយលិចចូលក្នុងសមុទ្រតែម្តង"។

គួរបញ្ជាក់ថា ប្រេងសាំងជិត ១០ ០០០លីត្រ បានហៀរចូលទៅក្នុងសមុទ្របន្ទាប់ពីការបុកទង្គិចនេះ។

អាជ្ញាធរន័រវែសមិនទាន់ហ៊ានអះអាងពីមូលហេតុដែលនាំឲ្យមានការប៉ះទង្គិចនេះនៅឡើយទេ។ យ៉ាងណាមិញ ពួកគេកំពុងបើកការស៊ើបអង្កេតជុំវិញករណីនេះ៕