ខេត្តកំពង់ស្ពឺ ៖ ជនសង្ស័យជាឪពុកចុងម្នាក់បានបបួលមិត្តភក្តិទិញថ្នាំញៀនមកសេពក្នុងផ្ទះ ដល់គេទៅផ្ទះវិញ ខណៈប្រពន្ធចេញទៅធ្វើការនៅភ្នំពេញបាត់ ដោយអំណាចថ្នាំញៀន បណ្តាលឲ្យតណ្ហាពុះកញ្ជ្រោលចាប់ក៏កូនចុងខ្លួនឯងរំលោភបានសម្រេច៤ដង កើតឡើងកាលពីម៉ោង២និង២០នាទីអធ្រាត្រឈានចូលថ្ងៃទី៦ ខែវិច្ឆិកា ឆ្នាំ២០១៨ ស្ថិតក្នុងឃុំភ្នំតូច ស្រុកឧដុង្គ។
បុរសជាឪពុកចុងខាងលើឈ្មោះ និល ពាវ អាយុ៣៥ឆ្នាំ រស់នៅភូមិកើតហេតុ ចំណែកកុមារីរងគ្រោះឈ្មោះអាយុ១១ឆ្នាំ។
ប្រភពពីសមត្ថកិច្ចឲ្យដឹងថា មុនកើតហេតុ ស្ត្រីជាប្រពន្ធជនសង្ស័យបានទុកកូនស្រីរងគ្រោះឲ្យនៅផ្ទះមើលប្អូនតូចម្នាក់ទៀត រួចទៅធ្វើការនៅភ្នំពេញបាត់ទៅ។ ហើយក្មេងស្រីរងគ្រោះពីមុនមកតែងតែនៅបែបនេះជាមួយជនសង្ស័យ ទើបតែលើកនេះក៏រងគ្រោះយ៉ាងជូរចត់តែម្តង។ ចំណែកជនសង្ស័យជាមនុស្សអត់ការងារធ្វើ ហើយក៏ជាមុខសញ្ញាថ្នាំញៀនទៀតផង។
បន្ទាប់ពីសមត្ថកិច្ចឃាត់ខ្លួន ជនសង្ស័យឆ្លើយសារភាពថា នៅមុនកើតហេតុ គេនិងបក្សពួក២នាក់ទៀតបានទិញថ្នាំញៀនយកមកជក់ក្នុងផ្ទះកើតហេតុ។ លុះជក់រួច ពួកគេវិលទៅផ្ទះវិញ ទើបគេមានអារម្មណ៍ចង់រួមភេទ តែប្រពន្ធមិននៅផ្ទះក៏ចាប់កូនស្រីរងគ្រោះរំលោភបានសម្រេចរហូត៤ដង ហើយចុងក្រោយប្រុងរំលោភម្តងទៀតនាងប្រាប់ថាឈឺហើយក៏រត់រួច ទើបបែកការណ៍ដឹងដល់អ្នកជិតខាងចាប់ប្រគល់ឲ្យសមត្ថកិច្ទទាំងយប់តែម្តង។
បច្ចុប្បន្នជនសង្ស័យ ត្រូវសមត្ថកិច្ចអធិការដ្ឋាននគរបាលនាំមកសួរចម្លើយ រួចកសាងសំណុំរឿងបញ្ជូនមកការិយាល័យជួញដូរមនុស្ស និងការពារអនីតិជនខេត្តចាត់ការតាមច្បាប់។
ប្រជាពលរដ្ឋក្នុងភូមិបានបញ្ចេញមតិរិះគន់ម្តាយកុមារីរងគ្រោះថា មុននឹងសម្រេចចិត្តយកប្តីថ្មី គួរគិតគូពីអនាគតខ្លួនឯង ជាពិសេសបើមានកូនស្រី មិនគួរបណ្តោយឲ្យនៅផ្ទះជាមួយឪពុកចុងទេ។ បើមិនបានល្អ កុំឲ្យតែជាមនុស្សញៀនស្រា ល្បែង និងថ្នាំញៀន ទៅបានហើយ តែនេះមិនត្រឹមតែបណ្តាលឲ្យមានទុក្ខដល់កូននោះទេ ថែមទាំងខ្លួនឯងមានវិប្បដិសារីទៀតផង។ អ្នកភូមិលើកឡើងថា អាណិតតែក្មេងដែលមិនដឹងអីនោះទេ មិនគួរណាមករងគ្រោះដោយទង្វើបែបនេះឡើយ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]