ខេត្តកណ្ដាល ៖ មុខសញ្ញាប្រើល្បិចបោកក្មេងសិស្សសាលា ដោះយកគ្រឿងអលង្ការម្នាក់ កាលពីព្រឹកថ្ងៃទី៧ វិច្ឆិកា ត្រូវបានកម្លាំងសមត្ថកិច្ចនគរបាលស្រុកអង្គស្នួលឃាត់ខ្លួន នៅចំណុចភូមិប្របវត្ត ឃុំព្រៃពួច ស្រុកអង្គស្នួល ខេត្តកណ្តាល។ ជនសង្ស័យឈ្មោះ ខឹម រ៉េង ភេទប្រុស អាយុ៣១ឆ្នាំ មុខរបរមិនពិតប្រាកដស្នាក់ នៅផ្ទះជួលម្តុំកាណាស៊ីធី រាជធានីភ្នំពេញ។ រីឯកុមារីរងគ្រោះមាន៤នាក់ ១.ឈ្មោះ វ៉ាន នីកា អាយុ១១ឆ្នាំ មុខរបរសិស្សថ្នាក់ទី៥ រស់នៅភូមិទន្លាប ឃុំព្រៃពួច ស្រុកអង្គស្នួល ខេត្តកណ្តាល (យកមិនបាន)។ ២.ឈ្មោះ ទិល ពិសី អាយុ១០ឆ្នាំ មុខរបរសិស្សថ្នាក់ទី៥ នៅភូមិក្រាំងលាវ ឃុំព្រៃពួច ស្រុកអង្គស្នួល ខេត្តកណ្តាល (ខ្សែកប្លាទីន៣ជី និងចិញ្ចៀន១ជី)។
៣.ឈ្មោះ ស្រ៊ុន ស៊ីនតី អាយុ១០ឆ្នាំ មុខរបរសិស្សថ្នាក់ទី៥ រស់នៅភូមិចំការជោ ឃុំពើក ស្រុកអង្គស្នួលខេត្តកណ្តាល (កងដៃប្លាទីនទិញតម្លៃ១០០ដុល្លារ)។ និង៤.ឈ្មោះ លី ស្រីវី អាយុ៨ឆ្នាំ មុខរបរសិស្សថ្នាក់ទី៣ នៅភូមិគុម្ពោតស្បូវ ឃុំបែកចាន ស្រុកអង្គស្នួល ខេត្តកណ្តាល(ខ្សែក ប្លាទីន១ខ្សែ តម្លៃ១០០ដុល្លារអាមេរិក)។ នៅពេលឃាត់ខ្លួនសង្ស័យ សមត្ថកិច្ចដកហូតបានសម្ភារមាន ម៉ូតូម៉ាក ZOOMER -X ១គ្រឿង ពណ៌ក្រហម លាយស ពាក់ស្លាកលេខ កំពង់ស្ពឺ ១L-៨៤២០ ខ្សែកកាឡៃ១ខ្សែ និងផ្លាកដៃកាឡៃ១វង់។ សម្ភារបាត់បង់មាន១.ខ្សែកប្លាទីនទម្ងន់៣ជី ២.ចិញ្ចៀនប្លាទីន១ជី ៣.ខ្សែកប្លាទីន១ខ្សែ តម្លៃ១០០ដុល្លារអាមេរិក និង៤.កងដៃប្លាទីន១វង់។
សេចក្តីរាយការណ៍ឲ្យដឹងថា មុនកើតហេតុជនរងគ្រោះជាសិស្ស បានចេញពីសាលា រៀនដោយជិះកង់ទៅផ្ទះរៀងខ្លួន។ ពេលដល់ពាក់កណ្តាលផ្លូវបានជួប នឹងជនសង្ស័ យនៅចំណុចខាងលើ ពេលនោះជនសង្ស័ យបានប្រើល្បិចធ្វើជាម៉ូតូខូចប្រាំង ហើយក៏ហៅជនរងគ្រោះឲ្យជួយ។ ពេលជនរងគ្រោះជួយ ជនសង្ស័យបានចាប់ផ្តើមសួរម៉ែឪកុមារីរងគ្រោះ រួចជនសង្ស័យក៏បានប្រាប់ថា ខ្លួនជាជាងទង ធ្វើមាស ធ្វើប្លាទីន ហើយបាននិយាយជាមួយម្តាយឯងរួចហើយថា ឲ្យយកខ្សែកពីកូនទៅប្តូរ។ ដោយការប៉ិនប្រសព្វប្រើល្បិចលួងលោម ទើបធ្វើឲ្យកុមារី៤នាក់ដែលជាជនរងគ្រោះ និងជាសិស្សសាលាព្រមដោះខ្សែក និងកងដៃឲ្យទៅជនសង្ស័យនោះ។
នៅចំពោះមុខសមត្ថកិច្ចជនសង្ស័យ បានឆ្លើយសារភាពថា គេពិតជាបានប្រើល្បិចបោកបញ្ឆោតលួងលោម ដោះយកខ្សែក និងកងដៃពីកុមារីរងគ្រោះ ជាសិស្សសាលានោះមែន ជាក់ស្តែងកាលវេលាម៉ោង១១ និង២០នាទីព្រឹក ថ្ងៃទី៧ វិច្ឆិកា នេះ គេបាន និងកំពុងធ្វើសកម្មភាពទៅលើកុមារីរងគ្រោះ ក៏ស្រាប់តែកម្លាំងសមត្ថកិច្ចនគរបាលល្បាតតាមដងផ្លូវ ប្រទះឃើញឃាត់ខ្លួនតែម្តងទៅ។
ជនសង្ស័យបន្តថា កាលពីថ្ងៃទី២ វិច្ឆិកា ២០១៨ វេលាម៉ោង១១ និង៣០នាទីព្រឹក គេបានលួងលោមដោះយកខ្សែក និងចិញ្ចៀនប្លាទីន ពីសិស្សសាលា១លើក។ នៅវេលាម៉ោង៥ និង៣០នាទីល្ងាចថ្ងៃទី៥ វិច្ឆិកា លួងលោមដោះយកកងដៃប្លាទីន១វង់ ១លើក និងកាលពីថ្ងៃទី២០ សីហា ២០១៨ វេលាម៉ោង១២ និង៣០នាទី ថ្ងៃត្រង់ រូបគេបានប្រើល្បិចដោះយកខ្សែក១ខ្សែ ពីកុមារីសិស្សសាលាបាន១លើកទៀត។ ជនសង្ស័យត្រូវបានសមត្ថកិច្ចកសាងសំណុំរឿង បញ្ជូនទៅកាន់សាលាដំបូងខេត្តតាមនីតិវិធី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]