បរទេស៖ កាលពីពេលថ្មីៗនេះ នៅក្នុងពិភពម៉ូតសម្លៀកបំពាក់របស់ពិភពលោក ពិតជាមានភាពភ្ញាក់ផ្អើលយ៉ាងខ្លាំង នៅពេលដែលបានឃើញការបញ្ចេញម៉ូតឈុតក្នុង «Fantasy Bra» ឬ «ឈុតក្នុងដែលមានតម្លៃថ្លៃបំផុតក្នុងពិភពលោក» របស់អ្នកច្នៃម៉ូតល្បីឈ្មោះ Atelier Swarovski ប្រចាំឆ្នាំ ២០១៨ នេះ។
ជាក់ស្តែងឈុតក្នុងរបស់នារីមួយឈុតនេះ គឺមានតម្លៃដល់ទៅជិត ១ លានដុល្លារអាមេរិកឯណោះ ដែលវាបានបង្កប់ទៅដោយការដាំពេជ្រ និងត្បូងទទឹម សរុបទាំងអស់ចំនួន ២១០០ គ្រាប់ហើយប្រើរយៈពេលច្នៃវាឡើងអស់ ៩៣០ ម៉ោង។
ដោយនៅក្នុងនោះផងដែរ តារាបង្ហាញម៉ូត Elsa Hosk វ័យ ៣០ ឆ្នាំ ជាជនជាតិស៊ុយអែត បានក្លាយទៅជានារីទី ១ ដែលបានស្លៀកសម្លៀកបំពាក់ឈុតក្នុងដ៏មានតម្លៃមហាសាលមួយនេះ សម្រាប់ដើរបង្ហាញម៉ូត នៅក្នុងកម្មវិធីបង្ហាញម៉ូតលំដាប់ពិភពលោក Victoria's Secret 2018 ដែលនឹងប្រព្រឹត្តធ្វើឡើងនៅក្នុងថ្ងៃទី ៨ ខែវិច្ឆិកា ខាងមុខនេះហើយ។
ការបានស្លៀកនូវឈុតក្នុងដែលដាំពេជ្រខ្ទង់លានដុល្លារលើកនេះ តារាបង្ហាញម៉ូត Elsa Hosk ក៏បានសម្តែងនូវអារម្មណ៍រំភើបរីករាយយ៉ាងខ្លាំង នៅពេលដែលនាងបានដឹងថា ខ្លួនគឺជាស្ត្រីទី១ ដែលត្រូវបានជ្រើសរើសឱ្យក្លាយទៅជាតារាបង្ហាញម៉ូតតំណាងឈុតក្នុងដ៏មានតម្លៃថ្លៃជាងគេបង្អស់ នៅលើពិភពលោកមួយម៉ូតនេះ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]