កូរ៉េខាងត្បូង ៖ កាលពីពេលថ្មីៗកន្លងទៅនេះ ពិធីករទូរទស្សន៍ដ៏ល្បីឈ្មោះ គឺលោក Jung Hyung Don បានសាងភាពភ្ញាក់ផ្អើល ដល់អ្នកគាំទ្រ ដោយសារតែលោក បាននាំយកពាក្យសម្ដីខ្លះៗ ពីលោក G-Dragon សមាជិកក្រុម BIGBANG មកនិយាយ នៅក្នុងកម្មវិធីផ្សាយផ្ទាល់មួយ។
ក្នុងនោះដែរ ពិធីករប្រុសរូបនេះ បាននិយាយទាំងកំប្លែងថា ៖ «G-Dragon ពេលនេះ គឺជាទាហាន ដូចជាអ្នកដទៃទៀតដែរ។ ខ្ញុំលឺពីគាត់មកថា នៅក្នុងជួរកងទ័ពពេលនេះ ត្រូវបានបែងចែកជា ៣ក្រុមខុសៗគ្នា។ ក្នុងនោះរួមមាន អ្នកគាំទ្រក្រុម Red Velvet និងអ្នកគាំទ្រក្រុម BLACKPINK និងអ្នកគាំទ្រក្រុម TWICE»។
ជាការពិតណាស់ អ្វីដែលលោកបាននិយាយ ធ្វើឲ្យអ្នកគាំទ្រភ្ញាក់ផ្អើលមិនតិចនោះទេ ដោយសារតែ ពួកគេមិននឹកស្មានថា នៅក្នុងជួរកងទ័ព មានការនិយមចូលចិត្ត ផ្នែកសិល្បៈកម្សាន្តបែបនេះ។
ប៉ុន្តែបើតាមអ្វីដែលលោក Jung Hyung Don បាននិយាយ បញ្ជាក់ថា នៅពេលដែលទំនេរពីការហ្វឹកហាត់ ក្រុមទាហានកូរ៉េទាំងនោះ ភាគច្រើនបានចំនាយពេលវេលាសម្រាក របស់ខ្លួនទៅលើ ការតាមដានទស្សនា បទចម្រៀងរបស់ ក្រុមចម្រៀងស្រីទាំងនេះ ហើយក្នុងនោះដែរ ក្រុម TWICE គឺជាក្រុមដែលមាន ប្រជាប្រិយភាពខ្លាំងជាងគេ សូម្បីតែលោក G-Dragon ក៏អះអាងបែបនោះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
