ខេត្តកំពង់ធំ ៖ បាត់ឪពុកនាំគ្នាដើរកមិនឃើញស្រាប់តែប្រទះឃើញលង់ទឹកស្លាប់ ហេតុការណ៍ដ៏រន្ធត់នេះបានបង្ករឲ្យមានការភ្ញាក់ផ្អើលកាលពីវេលាម៉ោង៩ និង៥នាទីព្រឹក ថ្ងៃទី០៥ ខែវិច្ឆិកា ឆ្នាំ២០១៨ នៅចំណុអន្លុងតាអ៊ុក ស្ថិតនៅក្នុងភូមិសាស្ត្រភូមិតាំងក្រសាំង ឃុំតាំងក្រសាំង ស្រុកសន្ទុក ខេត្តកំពង់ធំ ។
នគរបាលបានឲ្យដឹងថា ជនរងគ្រោះឈ្មោះ គង់ សុខនី ភេទប្រុស អាយុ៥៧ឆ្នាំ មុខរបរកសិកររស់នៅភូមិត្នោតជុំ ឃុំប្រាសាទ ស្រុកសន្ទុក ខេត្តកំពង់ធំ បើតាមការបំភ្លឺរបស់ឈ្មោះ សៃ វាសនា ភេទប្រុស អាយុ២៧ឆ្នាំ ត្រូវជាកូនបង្កើត របស់ជនរងគ្រោះប្រាប់ថា ឪពុករបស់ខ្លួនជាមនុស្សញៀនស្រា គាត់តែងតែផឹកស្រវឹងជាប្រចាំឲ្យតែគាត់ពិសារស្រាស្រវឹងម្តងៗគាត់ដើរតែងតែដូល ដោយសារតែជើងរបស់គាត់ពិការខាងឆ្វេងម្ខាង ។
ហើយកាលពីរសៀលថ្ងៃទី៤ ខែវិច្ឆិកា បានបាត់ឪពុកមិនឃើញមកផ្ទះរូបគេក៏ប្រាប់បងប្អូនអោយជួយដើររករហូតដល់យប់ នៅតែរកគាត់មិនឃើញទៀត លុះព្រឹកឡើងទើបបានដឹងដំណឹងពីឈ្មោះ គង់ សារ៉ុម ភេទប្រុស អាយុ៥១ឆ្នាំ ប្រាប់ថា គាត់បានប្រទះឃើញសាកសពបុរសម្នាក់នៅចំណុចខាងលើនៅពេលពួកគាត់ទៅអូសអួនប្រយុង ។
ពេលបានឮដំណឹងភ្លាម រូបគេ (ឈ្មោះ សៃ វាសនា) ក៏បបួលប្អូនប្រុស និងបងប្អូនជិតខាងឆ្ពោះទៅទីនោះ ពេលដល់កន្លែងកើតហេតុក៏ប្រទះឃើញសពអណ្តែតទឺក ពិតជាសពឪពុករបស់ខ្លួនក៏នាំគ្នាអូសយកសពទៅដាក់នៅត្រើយម្ខាង ។
ក្រោយមកក៏បានរាយការណ៍ទៅកាន់កម្លាំងជំនាញដើម្បីចុះពិនិត្យកន្លែងកើតហេតុ ដោយមានពេទ្យប្រចាំឃុំព្នៅចូលរួម និងក្រុមគ្រួសារសពផងនោះ ឃើញថា ជនរងគ្រោះពិតជាស្រវឹងស្រាដើរធ្លាក់ទឹកលង់ស្លាប់ពិតប្រាកដមែនក៏ប្រគល់សាកសពជូនក្រុមក្រួសារយកធ្វើបុណ្យតាមប្រពៃណី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]