រាជធានីភ្នំពេញ ៖ ស្ត្រីជនជាតិអូស្ត្រាលីម្នាក់ត្រូវបានកម្លាំងនគរបាលប៉ុស្តិ៍ទន្លេបាសាក់ចាប់ឃាត់ខ្លួន និងបញ្ជូនទៅកាន់នគរបាលអន្តោប្រវេសន៍ជាបន្ត ក្រោយពីរូបនាងបានចូលទៅហូបបាយនៅក្នុង សណ្ឋាគារ សូហ្វីតែល ភូគីត្រា ភ្នំពេញ ដែលជាសណ្ឋាគារលំដាប់ថ្នាក់ផ្កាយ៥មួយ អស់ទឹកប្រាក់ ចំនួន២៥ដុល្លារ ហើយត្រូវបានខាងសណ្ឋាគាររាយការណ៍ទៅប្រាប់កម្លាំងមានសម្ថកិច្ចធ្វើការ សាកសួរ និងបែកធ្លាយរឿងស្នាក់នៅហួសទិដ្ឋាការទៀតនោះ។
ហេតុការណ៍នេះដែរបាន កើតឡើងកាលពីវេលាម៉ោង១២ និង២០នាទីថ្ងៃត្រង់ ថ្ងៃទី០៤ ខែវិច្ឆិកា ឆ្នាំ២០១៨ នៅចំណុចសណ្ឋាគារ សូហ្វីតែល ភូគីត្រា ភ្នំពេញ ផ្លូវព្រះសុធារស ក្នុងសង្កាត់ទន្លេបាសាក់់ ខណ្ឌចម្ការមន។ តាមប្រភពព័ត៌មានពីសម្ថកិច្ចបានប្រាប់ឱ្យដឹងថា ស្ត្រីដែលបានចាប់ឃាត់ខ្លួន មានឈ្មោះ EVANS CAROL ANN អាយុ៤៧ឆ្នាំ ជនជាតិអូស្ត្រាលី កាន់លិខិតឆ្លងដែនលេខ PA5223771 ជាភ្ញៀវទេសចរណ៍ និងស្នាក់នៅមិនពិតប្រាកដ។
មុនពេលកើតហេតុ ស្ត្រីជាជនជាតិ អូស្ត្រាលីម្នាក់ខាងលើ បានចូលទៅហូបបាយនៅក្នុសណ្ឋាគារ សូហ្វីតែល ភូគីត្រា តែឯង ក្រោយពីហូបបាយរួច រាប់ម៉ោង ហើយគេមិនឃើញនាងហៅឲ្យគិយលុយ ឬក៏ដើរទៅណា ឡើយ។
តាមប្រភពដដែលបានប្រាប់បន្តទៀតថា ដោយមានការសង្ស័យបុគ្គលិកសណ្ឋាគារក៏បានដើរទៅ សួរនាំ និងគិតលុយអស់ចំនួន២៥ដុល្លារ តែនាងមិនមានលុយឲ្យទើបរាយការណ៍ទៅប្រាប់កម្លាំងនគរ បាលប៉ុស្តិ៍ទន្លេបាសាក់ចុះមកដល់នាំខ្លួននាងទៅធ្វើការសាកសួរ។
ក្រោយពីកម្លាំងមានសម្ថកិច្ច ឃាត់ខ្លួនស្ត្រីជាជនជាតិអូស្ត្រាលីម្នាក់ខាងលើយកមកដល់នគរបាលប៉ុស្តិ៍ទន្លេបាសាក់ ធ្វើការសួរនាំនោះ រូបនាងមិនមានលុយមួយរៀលជាប់នឹងខ្លួនឡើយ ហើយលិខិតឆ្លងដែនរបស់នាង ក៏ហួសសុពលភាពចំនួន២ខែមកហើយ ទើបសម្រេចបញ្ជូនបន្តទៅកាន់ការិយាល័យនគរបាល អន្តោប្រវេសន៍រាជធានីភ្នំពេញជាបន្ត៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]