ខេត្តកំពត ៖ មានករណីគ្រោះថ្នាក់ចរាចរដែលបង្កឡើងដោយរថយន្តម៉ាកហ៊ីយ៉ាន់ដាយពណ៌ខៀវ ពាក់ផ្លាកលេខ កំពត 1A-0366 កាលពីវេលាម៉ោង៤និង៣០នាទីរសៀល ថ្ងៃទី០២ ខែវិច្ឆិកា ឆ្នាំ ២០១៨ លើផ្លូវជាតិលេខ៣កំពត-ភ្នំពេញ ត្រង់ចំណុចស្ថិតក្នុងភូមិត្រពាំងជ្រៃ ឃុំត្រពាំងធំ ស្រុកទឹកឈូ ខេត្តកំពត ។
នគរបាលចរាចរខេត្តបានឲ្យដឹងថា ក្នុងហេតុការខាងលើគឺបង្កឡើងដោយរថយន្តម៉ាកហ៊ី យ៉ាន់ដាយ បើកបរមកពីទិសខាងជើងរួចបត់ឆ្វេងក៏បានជ្រុលចង្កូតទៅបុកម៉ូតូ មួយគ្រឿងដែលបើកបរដោយក្មេងស្រីជំទង់ម្នាក់មានឌុបគ្នាពីរនាក់ពីរក្រោយផង នោះបណ្តាលឲ្យដួលម៉ូតូរងរបួសស្រាលធ្ងន់ទាំង៣នាក់ ក្នុងទិសដៅបញ្ជ្រាសគ្នា ។ ក្រោយពីកើតហេតុ អ្នកបើកបររថយន្តបានចុះរត់គេចខ្លួនបាត់បន្សល់ទុករថយន្តនៅកន្លែងកើតហេតុ ។
ប្រភពដដែលឲ្យដឹងថា ម៉ូតូរងគ្រោះម៉ាកសេ១២៥ ពណ៌ខ្មៅ ពាក់ផ្លាកលេខ កំពត 1L-4008 បើកបរដោយឈ្មោះ អ៊ុន ស្រីរត្ន័ ភេទស្រី អាយុ១៧ឆ្នាំ មានទីលំនៅភូមិកំពង់ចិន ឃុំស្ទឹងកែវ ស្រុកទឹកឈូ ខេត្តកំពត (របួសស្រាល) អ្នករួមដំណើរ២នាក់ទៀត ទី១- ឈ្មោះ ព្រំ រ៉ាត់ ភេទស្រី អាយុ៣៣ឆ្នាំ រស់នៅភូមិឃុំជាមួយគ្នាខាងលើរងរបួសធ្ងន់ និងទី២- ឈ្មោះព្រំ សង្ហា ភេទប្រុស អាយុ២ឆ្នាំ រស់នៅភូមិឃុំជាមួយគ្នា(រងរបួសស្រាល) អ្នករងគ្រោះទាំងបីនាក់ត្រូវបានដឹកសង្គ្រោះនៅមន្ទីរពេទ្យបង្អែកខេត្ ត។ ចំណែកម៉ូតូ និងរថយន្តត្រូវ បាននគរបាលចរាចរខេត្តនាំមករក្សាទុកនៅការិយាល័យចរចរផ្លូវគោកនៃស្នងការ ខេត្តដើម្បីដោះស្រាយតាមផ្លូវច្បាប់ ។
នគរបាលចរាចរបានបញ្ជាក់ថា មូលហេតុនៃករណីគ្រោះថ្នាក់ចរាចរកើតឡើងរវាងរថយន្ត និងម៉ូតូខាងលើ គឺបណ្តាលមកពីរថយន្តធុនធំមួយគ្រឿងនេះអ្នកបើកបរក៏មានការធ្វេសប្រហែសណាស់ដែរគឺរថយន្តចាប់ហ្វ្រាំងមិនស៊ី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]