ថៃ៖ ថ្មីៗនេះគេសង្កេតឃើញតារាប្រុសស្រីល្បីៗនៅក្នុងសង្គមសិល្បៈថៃ បានចេញមុខមកថតរូប Pre-Wedding និងរៀបការជាមួយគ្នាជាបន្តបន្ទាប់ ហាក់ដូចជាច្រើនគូណាស់ជាងរាល់ឆ្នាំ។
ហើយត្រឡប់ទៅមើលអតីតកាលបន្តិច គេឃើញថាឈុតរៀបការរបស់តារាស្រីល្បីៗចំនួន ៣ ដួងនេះ ត្រូវបានអ្នកគាំទ្រ និងមហាជនទូទៅនាំគ្នាសរសើរ ទន្ទឹមនឹងពាក្យរិះគន់ខ្លាំងដូចគ្នាថា ឈុតមិនស្អាត មិនសមនឹងពិធីមង្គលការជាដើម។
ក្នុងនោះដែរយើងឃើញរួមមានដូចជា៖
១) រ៉ូបរៀបការរបស់តារាសម្តែងស្រី Chompoo Araya៖ ត្រូវបានគេចាត់ទុកថាគឺជារាជនីនៃការលេងហ្វេសស៊ិន ម៉ូតសម្លៀកបំពាក់គ្រប់ម៉ូត ប៉ុន្តែនៅក្នុងពិធីរៀបការរបស់ខ្លួន នាងបែរជ្រើសយករ៉ូបកូនក្រមុំ ដែលធ្វើឱ្យគេរិះគន់ទៅវិញ ព្រោះរ៉ូបនោះលេងម៉ូតខ្លាំងពេក និងមួយទៀតដូចកូនក្មេងខ្លាំងពេក ធ្វើឱ្យអ្នកទស្សនាមើលមកដូចជាមិនស្អាតហើយសមគ្នាជាមួយនឹងនាងសោះ ដូច្នេះវាដូចជាទៅបន្ថយសម្រស់ដ៏ស្រស់ស្អាតរបស់នាងទៅវិញ បណ្តាលឱ្យអ្នកគាំទ្រមួយចំនួនខកចិត្តមិនតិចដែរ។
តែទោះបីជាយ៉ាងនេះក្តីក៏ Chompoo Araya បានឆ្លើយតបជាមួយនឹងពាក្យរិះគន់ទាំងនោះវិញថា នាងមិនខ្វល់នូវពាក្យរិះគន់របស់មនុស្សដែលមិនស្រលាញ់នាងនោះទេ។
២) រ៉ូបរៀបការរបស់តារាសម្តែងស្រី Lydia Sarunrat៖ ក៏ត្រូវបានអ្នកគាំទ្រទូទៅរិះគន់ដែរថា មិនសមនឹងនាងទេព្រោះមើលទៅរ៉ូបនេះស៊ិចស៊ីជ្រុលពេល និងបានតែគេរាងខ្ពស់ៗស្លៀកទេមិនសមនឹងនាងឡើយ។ តែទោះបីជាយ៉ាងនេះក៏ដោយ ក៏ Lydia មិនបានចេញមុខមកឆ្លើយឆ្លងអ្វីដែរ ទុកឱ្យរឿងនេះស្ងប់ស្ងាត់វិញទៅដោយខ្លួនឯង។
៣) រ៉ូបរៀបការរបស់តារាសម្តែងស្រី Namwan raknapak៖ ត្រូវគេមើលឃើញថារ៉ូបកូនក្រមុំរបស់នាងមានម៉ូតសាមញ្ញពេក និងស៊ិចស៊ីជ្រុលពេក ព្រោះផ្នែកខាងមុខបញ្ចេញដើមទ្រូងស្ទើរតែតាំងទាំងអស់ជិតដល់ចង្កេះ ធ្វើឱ្យអ្នកមើលប្រហោងពោះជំនួស។ ហើយអ្នកខ្លះទៀតក៏បានបញ្ចេញមតិយោបល់ថា ស្លៀករ៉ូបស៊ិចស៊ីមិនក្រែងចិត្តសាច់ញាតិ និងភ្ញៀវកិត្តិយសដែលបានមកចូលរួមកម្មវិធីមង្គលការរបស់នាងសោះ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]