ស្រលាញ់ពេក! Kejmanee រាំបាំបុរាណជូនពរឱ្យស្វាមី​ ក្នុងថ្ងៃកំណើត គម្រប់ខួបអាយុ ៤៨ ឆ្នាំ! (មានវីដេអូ)

ថៃ៖ ជាគ្រួសារមួយដែលពោរពេញ ទៅដោយសុភមង្គល និងសេចក្តីសុខយ៉ាងខ្លាំង សម្រាប់តារាសម្តែងស្រី Kejmanee និងអតីតតារាចម្រៀងលោក Jetrin ដែលបច្ចុប្បន្ននេះអ្នកទាំងពីរ មានកូនប្រុសកម្លោះចំនួនបីនាក់ ហើយកំពុងតែដើរក្នុងគន្លងសិល្បៈដូចជាពួកគេថែមទៀតផង។

ហើយនៅក្នុងសង្គមសិល្បៈថៃ ទាំងមូលនរណាក៏សរសើរដែរថា គូស្វាមីភរិយាមួយគូនេះគឺជាគ្រួសារមួយដ៏ផ្អែមល្ហែម និងរ៉ូមែនទិកជាទីបំផុត ទោះបីជារៀបការជាមួយគ្នាយូរឆ្នាំ និងមានកូនប្រុសសុទ្ធតែធំៗអស់ទៅហើយ យ៉ាងណាក៏ដោយ។

ជាក់ស្តែង កាលពីពេលកន្លងទៅនេះ ក្នុងថ្ងៃខួបកំណើតរបស់លោក Jetrin តារាសម្តែង​ស្រី Kejmanee ស្រាប់តែបានរៀបចំនូវកម្មវិធីជប់លៀងដ៏ពិសេសមួយ ឱ្យស្វាមីរបស់ខ្លួន ដោយមានការរាំរបាំបុរាណ ជូនពរសូមស្វាមីមានអាយុវែងផងដែរ។

នេះគឺជារឿងភ្ញាក់ផ្អើលមួយសម្រាប់លោក Jetrin និងធ្វើឱ្យលោកមានក្តីរំភើបនៅក្នុងចិត្តយ៉ាងខ្លាំង ព្រោះបានភរិយាធ្វើបែបនេះពញ្ញាក់អារម្មណ៍ខ្លួន នៅក្នុងថ្ងៃកំណើតគម្រប់ខួបអាយុ ៤៨ ឆ្នាំ។ ហើយក៏ជាលើកទី១ដែរ ដែលអ្នកគាំទ្របានឃើញតារាសម្តែងស្រី Kejmanee រាំរបាំបុរាណជូនពរស្វាមី និងសរសើរទឹកចិត្តថា Kejmanee ពិតជាស្រលាញ់ស្វាមីខ្លាំងណាស់ សុខចិត្តធ្វើគ្រប់បែបយ៉ាងឱ្យតែស្វាមីបានសប្បាយចិត្ត៕

ទស្សនារូបភាពខាងក្រោម ទាំងអស់គ្នា៖  

• វីដេអូ