(ភ្នំពេញ)៖ ជាការពិតទស្សនិកជនទូទៅធ្លាប់តែឃើញ កំពូលតារាសម្តែងជើងចាស់ អ្នកស្រី អម្ពរ ទេវី ចូលរួមសម្តែងខ្សែភាពយន្តនានា ដែលទទួលបានការគាំទ្រច្រើនយ៉ាងខ្លាំង ពីសំណាក់បងប្អូនខ្មែរទាំងក្នុង និងក្រៅប្រទេស ទោះបីអ្នកស្រីបានឃ្លាតឆ្ងាយពីវិស័យសិល្ប់ អស់រយៈពេជិត២០ឆ្នាំមកហើយក្ដី។ យ៉ាងណាមិញ ថ្មីៗនេះ ពិតជាប្លែកអារម្មណ៍មែនទែន ខណៈឃើញអ្នកស្រី អម្ពរ ទេវី បកស្រាយនូវចម្រៀងមរកតដើមមួយបទយ៉ាងពីរោះរណ្តំ ជាមួយនឹងតារាចម្រៀងប្រុសលោក សាពូ មីដាដា មានចំណងជើងថា «ជិះទូកលេងតាមគង្គា»។
សម្រាប់ទស្សនិកជន គឺបានចាប់អារម្មណ៍យ៉ាងខ្លាំង ជាមួយនឹងការបង្ហើរសំនៀងដ៏កម្រ ពីសំណាក់តារាសម្តែងជើងចាស់ អ្នកស្រី អម្ភរ ទេវី តាមរយៈការបកស្រាយនូវបទ «ជិះទូកលេងតាមគង្គា» ជាមួយនឹងតារាប្រុសលោក សាពូ មីដាដា ខណៈកន្លងទៅទស្សនិកជន ធ្លាប់តែឃើញអ្នកស្រីសម្តែងភាពយន្ត។ អ្វីដែលគ្រប់គ្នាកត់សម្គាល់នោះ គឺទឹកដមសំនៀងរបស់អ្នកស្រី អម្ពរ ទេវី ពិតជាពីរោះ ប្រៀបបាននឹងតារាច្រៀងអាជីពអ៊ីចឹង សឹងតែធ្វើឲ្យអ្នកដែលបានស្តាប់លង់លក់ ទៅនឹងសំនៀងរបស់អ្នកស្រីតែម្តង។
យ៉ាងណាមិញ ជាមួយនឹងវិដេអូចម្រៀង ច្រៀងឆ្លងឆ្លើយគ្នាយ៉ាងមានទឹកដម ពីសំណាក់តារាសម្តែងជើងចាស់ អ្នកស្រី អម្ពរ ទេវី និងតារាចម្រៀងលោក សាពូ មីដាដា ពេលនេះ គឺត្រូវបានបង្ហោះដោយលោក សាពូ មីដាដា។ មិនតែប៉ុណ្ណោះ គ្រាន់តែបង្ហោះលើបណ្តាញសង្គម មិនទាន់បានប៉ុន្មាននាទីផង ក៏ទទួលបានការចូលរួមទស្សនា យ៉ាងច្រើនពីសំណាក់អ្នកនិយមលេងហ្វេសប៊ុក ដោយភ្ជាប់ជាមួយនឹងសារកោតសរសើរដល់តារាទាំងពីរ៕
ប្រភព៖ khmertalking
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
