ឥណ្ឌា៖ មិនយូរទៀតទេ Channel ឥណ្ឌាមួយនេះដែលមានឈ្មោះថា T-Series នឹងឡើងទៅដណ្តើមដំណែងលេខ១ពីសេ្តចយូធូប Pewdiepie ហើយ។
គួរបញ្ជាក់ថា លោក Felix Kjellberg (Pewdiepie) គឺជា YouTuber មា្នក់ដែលមានដើមកំណើតក្នុងប្រទេសស៊ុយអែត ហើយក៏ជាមនុស្សម្នាក់ដែលមានកេរ្តិ៍ឈ្មោះល្បីល្បាញដោយសារការលេងហ្គេមក្នុងយូធូបដែរ។ មកដល់សព្វថ្ងៃនេះ Channel របស់ Pewdiepie មានមនុស្សចុច Subscribe ច្រើនលើសលប់រហូតដល់ទៅ ៦៨,១៧៩,២៦៤នាក់។
យ៉ាងណាមិញ ចំនួនដ៏សន្ធឹកសន្ធាប់របស់អ្នកលេងហ្គេមសញ្ជាតិស៊ុយអែតម្នាក់នេះប្រហែលជាត្រូវធ្លាក់ដំណែងក្នុងពេលឆាប់ៗខាងមុខនេះហើយ។ ដោយសារមាន Channel ថ្មីមួយទៀតមកពីប្រទេសឥណ្ឌាដែលមានឈ្មោះថា T-Series បានឡើងមកប្រកួតប្រជែងដណ្តើមដំណែងលេខមួយយ៉ាងប្រកៀកប្រកិតលើវេបសាយយូធូប។ឥឡូវនេះ T-Series មានចំនួនអ្នកចុច Subscribe មិនទៅណាឆ្ងាយជាង Pewdiepie ប៉ុន្មានទេពោលគឺ ៦៧,៣៧៨,៧៩៨ នាក់។
គួរបញ្ជាក់ថា T-Series គឺជា Channel មួយរបស់ឥណ្ឌាដែលបញ្ចាំងរឿងភាគខ្លីៗ និង ចម្រៀងរបស់តារាឥណ្ឌាល្បីៗជាប្រចាំថ្ងៃ។ រីឯ Pewdiepie វិញបានចាប់អាជីពជា YouTuber នេះតាំងពីឆ្នាំ ២០១០ មកម៉្លេះ ដែលលោកបានធ្វើវីដេអូជាច្រើនទាក់ទងទៅនឹងហ្គេមផុសចូលទៅក្នុងយូធូបរហូតមកដល់សព្វថ្ងៃ។
ចំណែកទឹកប្រាក់របស់លោក Pewdiepie ដែលរកបានពីភាពល្បីល្បាញរបស់ខ្លួនក្នុងយូធូប មានចំនួនសរុប ៦១លានដុល្លារ គិតត្រឹមពេលបច្ចុប្បន្ន៕
ខាងក្រោមជាវីដេអូ Live រវាងការប្រកួតប្រជែងរបស់ Channel យក្សទាំងពីរ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
