ស្រីលាភ ដឹកដៃកូនស្រីដ៏ស្រស់ស្អាត សម្តែងរឿងខ្មែរ ខ្នាតធំជាមួយគ្នា

ភ្នំពេញ៖ ក្រោយសម្រាលកូនរួច តារាកំប្លែងដ៏មានប្រជាប្រិយមិត្ត អ្នកនាង ស្រីលាភ ហាក់ដូចជាមានហាងឆេងខ្ពស់នៅក្នុងការងារសិល្បៈ បានលេចមុខចេញសម្តែងនៅក្នុងរឿងខ្នាតធំល្បីៗជាច្រើន។

ជាក់ស្តែង កាលពីម្សិលមិញនេះតារាល្បីៗជាច្រើនបាន បណ្តើរគ្នាទៅចូលរួមពិធីសម្ពោធផ្លូវការក្នុងរឿងខ្នាតធំ«កូនពស់កេងកង» ជាមួយនឹងការលេងខ្លួននៅក្នុងឈុតសម័យបុរាណ យ៉ាងស្រស់ស្អាត មិនថាក្មេងឬចាស់នោះទេ។

តែអ្វីដែលគួរឲ្យចាប់អារម្មណ៍នោះគឺ តារាកំប្លែងស្រីខាងលើនេះ បានដឹកដៃកូនស្រីជាទីស្រលាញ់របស់ខ្លួន ចូលរួមកម្មវិធីដ៏ធំមួយនេះ ក្នុងការលេងខ្លួនយ៉ាងស្រស់សោភាទាំងម្តាយ និងកូន។ មិនត្រឹមតែប៉ុណ្ណោះ នេះក៏ជាការលេចមុខនៅក្នុងការសម្តែងរឿង ភាគខ្មែរខ្នាតធំដ៏ល្បីមួយនេះ ជាលើកដំបូងរបស់កូនស្រីក្មេងខ្ចីរបស់នាងផងដែរ។

ក្រោយពីឃើញបែបនេះ អ្នកគាំទ្របាននាំគ្នាសរសើរដល់នាង ដែលបង្ហាត់កូនស្រី ក៏ដូចជានាំឲ្យនាងដើរតាមគន្លងការងារសិល្បៈ តាំងតែពីក្មេងតែម្តង ៕

សូមទស្សនារូបភាពខាងក្រោមនេះ៖

• ស្រីលាភ (កំប្លែង)
• តារាខ្មែរ