អង់គ្លេស៖ គ្រូបង្វឹករបស់ក្រុមបិសាចក្រហម Manchester United លោក Jose Mourinho កំពុងតែមានការព្រួយបារម្ភជុំវិញបញ្ហាអ្នកចាំទីឆ្នើម David De Gea អាចនឹងមិនចុះកុងត្រាថ្មី។
កាលពីខែសីហាកន្លងទៅ ពោលគឺមុននឹងការបើករដូវកាលថ្មី ក្រុមដែលមានមូលដ្ឋានក្នុងទីក្រុង Manchester នេះ ជឿជាក់យ៉ាងខ្លាំងថានឹងអាចបន្ដកុងត្រាដ៏អ្នកចាំទីដៃទី១ របស់ក្រុមជម្រើសជាតិអេស្ប៉ាញ ប៉ុន្ដែរហូតមកដល់ពេលនេះ ដំណឹងនៃការចុះហត្ថលេខា ប្រែជាស្ងប់ទៅវិញ ក្រោយពីក្រុមបង្ហាញទម្រង់លេងមិនសូវល្អ ដោយចាញ់ និងស្មើជាច្រើនប្រកួត។
De Gea កំពុងមានកុងត្រារហូតដល់បញ្ចប់រដូវកាលនេះ ប៉ុន្ដែក្លិបកំពុងគ្រោងនឹងបន្ដកុងត្រារបស់គេរហូតដល់ចុងឆ្នាំ២០២០ តែម្ដង ប៉ុន្ដែសាមីខ្លួននៅពុំទាន់ផ្ដល់ចម្លើយអ្វីនោះទេ ជុំវិញបញ្ហាមួយនេះ។
នៅក្នុងបទសម្ភាសមួយឲ្យទូរទស្សន៍ Sky Sports លោក Mourinho បាននិយាយថា៖ «ប្រសិនបើក្លឹបចង់បានភាពល្អប្រសើរជាងនេះ វាមានសារៈសំខាន់ណាស់ដើម្បីរក្សា David ឲ្យនៅបន្ដក្នុងក្លិប»។
De Gea ដែលចូលជាមួយ Man Utd កាលពីឆ្នាំ២០១១ ក្រោយប្ដូរពីក្រុម Atletico Madrid ក្នុងតម្លៃជាង ១៨លានផោននោះ គឺជាកីឡាករម្នាក់ក្នុងចំណោមកីឡាករផ្សេងទៀត ដែលមានកុងត្រាត្រូវផុតនៅបំណាច់រដូវកាលនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]