ខ្លាំងបាត់! Zlatan ឡើងកម្មវិធីមួយ រាំគ្រវីដៃ ធើ្វឲ្យអ្នកមើលចំហរមាត់គ្រប់គ្នា (មានវីដេអូ)

បរទេស៖ ប្រិយមិត្ដបានដឹងហើយថា Zlatan Ibrahimovic គឺជាខែ្សប្រយុទ្ធម្នាក់ដែលជោគជ័យខ្លាំងក្នុងអាជីពបាល់ទាត់របស់គេ ខណៈសព្វថៃ្ងកីឡាករវ័យ៣៧ឆ្នាំនេះ កំពុងប្រកបអាជីពក្នុងក្លិប LA Galaxy របស់សហរដ្ឋអាមេរិក។ 

យ៉ាងណាក្ដី ប្រិយមិត្ដកម្រនឹងបានឃើញអតីតខែ្សប្រយុទ្ធរបស់ក្រុមបិសាចក្រហម Manchester United ធើ្វការរាំក្នុងកម្មវិធីអ្វីមួយណាស់ ប៉ុន្ដែក្នុងកម្មវិធី Late Late Show ដែលមានពិធីករដ៏ល្បីមួយរូបគឺលោក James Corden បានធើ្វឲ្យគ្រប់គ្នាមានការភ្ញាក់ផ្អើលចំពោះកាយវិការរបស់ Zlatan។

លោក James បានសួរទៅកាន់ខែ្សប្រយុទ្ធចាស់វស្សាថា អាចរាំនូវក្បាច់គ្រវីដៃពាត់ទៅមុខទៅក្រោយ ដែលកំពុងពេញនិយមពីសំណាក់ក្មេងៗ ក៏ដូចជាយុវវ័យបានដែរទេ។ គ្រាន់តែសួរហើយ Zlatan មិនចាំយូរ ក៏បានឡើងឈររាំក្បាច់នោះយ៉ាងឡូយ ដែលធើ្វឲ្យអ្នកចូលរួមទស្សនាផ្ទាល់លាន់មាត់ និងផ្ទុះសំណើចយ៉ាងខ្លាំងតែម្ដង។ 

ចង់ដឹងនូវទិដ្ឋភាពយ៉ាងណានោះ សូមទស្សនាវីដេអូខាងក្រោម៖