មីយ៉ាន់ម៉ា៖ កម្មវិធីប្រកួតបវរកញ្ញា Miss Grand International ២០១៨ត្រូវបានរកឃើញម្ចាស់ពានរង្វាន់ពិតហើយកាលពីយប់មិញនេះ គឺបានទៅលើClara Sosa មកពីប្រទេស Paraguay។ អ្នកគាំទ្រជាច្រើនក៏បានចូលរួមអបអរ ដល់បវរកញ្ញារូបនេះដែលទទួលបានពានរង្វាន់ តែក៏មានការសោកស្តាយពីបណ្តាប្រទេសមួយចំនួនដែលមិនទទួលបានជោគជ័យ។
ដោយក្នុងនោះក៏មានប្រទេសកម្ពុជា ដែលមិនទទួលបានជ័យជំនះនៅក្នុងកម្មវិធីដ៏ធំមួយនេះ ដូច្នោះហើយមហាជនទាំងអស់ ពិតជាមានការសោកស្តាយយ៉ាងខ្លាំង ចំពោះ Miss Grand កម្ពុជាកញ្ញាឌី លីកា ដែលមិនបានជាប់នៅក្នុងការប្រកួត តែទោះជាយ៉ាងណាក្តីពួកគេនៅតែលើកទឹកចិត្តដល់រូបនាងជានិច្ច។
ក្រោយពីបានឃើញ បវរកញ្ញាកម្ពុជាមិនបានជាប់ មហាជនជាច្រើនក៏បានកើតការងឿងឆ្ងល់គ្រប់គ្នា ក្រោយនាង មិនមានឈ្មោះជាប់សូម្បីតែនៅក្នុងតារាងTop20 ខណៈពេលដែលមួយរយៈពេលនេះ ប្រជាជនខ្មែរទាំងអស់ បាននាំគ្នាចូលរួមបោះឆ្នោត Like Share ឲ្យនាងជាប់ជារៀងរាល់វគ្គ តែចុងក្រោយបែរជាបែបនេះទៅវិញ។
មិនត្រឹមតែប៉ុណ្ណោះ ម្ចាស់ផេកMISS Cambodia Beauty Pageant ក៏បានបង្ហាញមតិ និងការងឿងឆ្ងល់យ៉ាងដូច្នោះដែលថា៖« បោះឆ្នោតតាម Star Phone ទើបតែប៉ុន្មានម៉ោងមុនសោះកម្ពុជាទទួលបានចំណាត់ថ្នាក់លេខ១។ កម្ពុជាទទួលបានចំណាត់ថ្នាក់លេខ១ គ្រប់ការ Voteទាំងអស់។ តែក្រោយតែបន្តិចសោះប្រកាសថាកម្ពុជាធ្លាក់មកលេខ២ ?????? កម្មវិធីគេមានចេតនាទំលាក់កម្ពុជា ព្រោះមិនចង់ឲ្យកម្ពុជាជាប់ Top10? ព្រោះលទ្ធផលទិន្នន័យគេមិនបានបង្ហាញជាផ្លូវការ ដូច្នេះគេអាចកែប្រែឲ្យអ្នកណាជាប់ក៏បាន។ អរគុណបងប្អូនទាំងអស់គ្នាដែលខំគាំទ្ររហូតមក»៕
ចុះប្រិយមិត្តវិញ យល់យ៉ាងណាចំពោះរឿងទាំងនេះ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
