ភ្នំពេញ៖ ដូចប្រិយមិត្តជាច្រើនបានដឹងហើយថា កាលពីចូលប្រលង The Voice Kids រដូវកាលទី១ អតីតបេក្ខភាព ឃុយ ម៉ីហៀង បានរៀបរាប់ពីជីវិតដ៏កម្សត់ រហូតធ្វើឲ្យបណ្តាអ្នកគាំទ្រជាច្រើន ពិតជានឹកអាណិតដល់រូបប្អូនយ៉ាងខ្លាំង។
មកទល់នឹងពេលនេះ ក្មេងស្រីដ៏កម្សត់រូបនេះក៏បានមករស់នៅទីក្រុងភ្នំពេញ ជាមួយនឹងផ្ទះជួលមួយកន្លែង ដែលកាលពីប៉ុន្មានខែមុននេះ ខ្មែរឡូត ក៏បានចុះទៅសាកសួរ និងផ្តល់បទសម្ភាសន៍ពីម្តាយនាងផ្ទាល់ផងដែរ។ ជាមួយគ្នានេះ អ្នកគាំទ្រក៏កាន់តែអាណិតដល់រូបប្អូនកាន់តែខ្លាំងឡើងថែមទៀត ក្រោយដឹងពីទុក្ខលំបាករបស់ប្អូន។
ជាក់ស្តែងកាលពីពេលថ្មីៗនេះ តារាវ័យក្មេងរូបនេះបានបង្ហោះរូបភាពមួយសន្លឹក ដែលមានអត្ថន័យខ្លឹមសារយ៉ាង ចាក់ដោតយ៉ាងខ្លាំង។
ដោយក្នុងនោះដែរ ប្អូនបានបង្ហាញនូវទ្រព្យធន់ដែលខ្លួនមាន គឺកង់មួយដែលប្អូនបានជិះទៅសិក្សាយកចំណេះវិជ្ជាជារៀងរាល់ថ្ងៃ ដែលកង់មួយនេះមើលទៅប្អូនស្រីពិតជាស្រលាញ់ និងពេញចិត្តយ៉ាងខ្លាំង។ជាមួយគ្នានេះ សារនោះមានអត្ថន័យយ៉ាងដូច្នោះថា៖«កង់សំណព្វចិត្ត ឯងនៅជាមួយចែតាំងពីថ្នាក់ទី២មកម៉្លេះ ចែ មិនឲ្យឯងទៅណាឆ្ងាយពីចែទេ ចែនឹងរក្សារឯងទុក្ខរហូត។»
អត្ថន័យខ្លីក៏ពិតមែន តែបានធ្វើឲ្យអ្នកគាំទ្រសរសើរដល់ប្អូនស្រី ដែលទោះបីជានៅក្មេងយ៉ាងណា តែចរិតប្រៀបបានដូចជាមនុស្សធំ ចេះគិតគូច្រើន មិនថារឿងរកលុយជួយម្តាយ និងរឿងផ្សេងៗទៀតនោះទេ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]