អាមេរិក៖ ក្រោយចេញស៊េរីចុងក្រោយបំផុត ៣ គ្រឿងគឺ XR, XS, និង XS Max មិនទាន់បានប៉ុន្មានផង ឥឡូវនេះអ្នកឌីហ្សាញជនជាតិអ៊ីតាលីម្នាក់បានស្រមៃដល់រូបរាងទូរសព្ទ iPhone 11 ដែលជាឧបករណ៍ទំនាក់ទំនងដ៏ទំនើបបែបអនាគតនិយម ដោយបញ្ចូលប៊ិចមួយដើម និងកាមេរ៉ាប្រព័ន្ធខួរក្បាលសិប្បនិម្មិត (A.I) ទៀតផង។
អ្នកច្នៃម៉ូតទូរសព្ទដែលមានឈ្មោះថា Antonio de Rosa បាននឹកដល់រូបរាងនៃកំពូលឧបករណ៍អេឡិចត្រូនិក ដែលត្រូវបានដាក់ឈ្មោះថ្មីថា “Apple Phone” ដើម្បីឱ្យស៊ីគ្នាទៅនឹង Apple Watch (នាឡិកាអេផល) និង Apple TV (ទូរទស្សន៍អេផល) ដោយផ្អែកលើប្រព័ន្ធដែលអ្នកប្រើប្រាស់ចង់ឃើញ។
គួរឱ្យដឹងថា ប៊ិច (stylus) បន្ថែមថ្មីនេះមានលក្ខណៈស្រដៀងទៅនឹង S Pen របស់ Samsung ដោយប្រើប្រព័ន្ធ Bluetooth និងអាចប្រើជាតេឡេបញ្ជាផងដែរ។ វាអាចប្រើដើម្បីសរសេរឃ្លាខ្លីៗមួយភ្លែតៗនៅលើសំបកខាងក្រៅ ដែលអាចរលុបទៅវិញដោយខ្លួនឯង ដោយគ្មានបន្សល់ស្នាមដានអ្វីបន្តិចឡើយ។
រីឯកាមេរ៉ាដែលប្រើប្រព័ន្ធខួរក្បាលសិប្បនិម្មិត ត្រូវបានតម្លើងស្រដៀងនឹងទូរសព្ទ Google Pixel ខណៈផ្នែកក្រហូងនៃកាមេរ៉ា selfie ខាងមុខ នឹងត្រូវកែសម្រួល និងផ្លាស់ប្តូរទីតាំង ជាមួយប្រព័ន្ធសម្គាល់មុខអ្នកប្រើប្រាស់ដែលគេហៅថា Face ID 2 នៅចុងខាងលើ ផ្នែកខាងឆ្វេងនៃអេក្រង់។
បន្ថែមពីនេះ កាមេរ៉ាអាចនឹងមានកញ្ចក់ (lens) ទំហំ ១២ មេហ្គាភិកស៊ែល ចំនួន៤ ក៏ដូចជាកាមេរ៉ាពង្រីកបង្រួមទំហំ ២០ មេហ្គាភិកស៊ែល ហើយអេក្រង់ទូរសព្ទជាប្រភេទ OLED ក្នុងកម្រិតច្បាស់ ៣,០០០ x ១,៣៨៦។
ក្រៅពីពណ៌មាស នៅមានពីរពណ៌ទៀតគឺ ពណ៌ខ្មៅក្រឹប និងប្រាក់រលោង។ ទោះយ៉ាងណា នេះគ្រាន់តែជារូបរាងដែលអ្នកឌីហ្សាញបានស្រមៃឃើញ និងកំពុងពិចារណាប៉ុណ្ណោះ។ កាលបរិច្ឆេទ និងរូបរាងថ្មីពិតប្រាកដយ៉ាងណានោះ គេមិនទាន់សម្រេចច្បាស់នៅឡើយទេ៕
សូមទស្សនាវីដេអូខាងក្រោម៖
តើប្រិយមិត្តយល់យ៉ាងណាដែរ?
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
