ភ្នំពេញ៖ នាយប់ម្សិលមិញ ថ្ងៃទី២៣ ខែតុលា ឆ្នាំ២០១៨ តារាកំប្លែង និងជាចម្រៀងវ័យក្មេង លោក នាយ ចឺម បានជួបទុក្ខដ៏ធំមួយ ខណៈពេលដែលលោកយាយជាទីគោរពស្រលាញ់ បានទទួលមរណភាព។
ជាក់ស្ដែង សម្រាប់ការចាកចេញគ្មានថ្ងៃវិលត្រលប់របស់លោកយាយលើកនេះ បានធ្វើឲ្យ លោក នាយ ចឺម មានក្ដីរន្ធត់ចិត្ត និងសោកស្ដាយជាខ្លាំង ព្រោះតែមិននឹកស្មានថា ខ្លួនត្រូវបាត់បង់អ្នកមានគុណយ៉ាងឆាប់រហ័សបែបនេះឡើយ។
យ៉ាងណាមិញ ដោយក្នុងនោះ តារាប្រុសរូបនេះ ក៏បានបង្ហោះរូបភាព អមជាមួយនឹងសារមួយ ដោយបានរាយរាប់ពីទុក្ខសោករបស់ខ្លួនផងដែរ ដោយរូបលោកបានរៀបរាប់ទាំងក្ដុកក្ដួលក្នុងចិត្តថា៖ «ចៅមកមិនទាន់ដង្ហើមយាយ សូមអោយវិញ្ញាណក្ខន្ធ លោកយាយទៅកាន់សុខគតិភព ចៅស្រលាញ់លោកយាយ ចៅកំពុងតែប្រឹងរកលុយដើម្បីសង់ផ្ទះអោយធំនឹងបានយកលោកយាយទៅនៅជាមួយឪពុកម្តាយចៅ អីឡូវចៅសង់ផ្ទះបាន៧៥ភាគរយ ហើយ លោកយាយទៅចោលចៅបាត់ លោកយាយអត់ចាំនៅផ្ទះថ្មីជាមួយចៅទេ» ។
ជាមួយនឹងសារដ៏កម្សត់មួយនេះ បានធ្វើឲ្យមហាជនជាច្រើន ខ្លោចចិត្តអាណិត តារាប្រុសរូបនេះជាខ្លាំង ដោយក្នុងនោះ ពួកគេក៏មិនភ្លេចផ្ញើសារចូលរួមរំលែកទុក្ខយ៉ាងក្រៀមក្រំនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]