គឹម លីហ្សា ធ្វើខួបកំណើតឲ្យកូនប្រុស យ៉ាងមានសុភមង្គល លើទឹកដីក្រៅប្រទេស (មានវីដេអូ)

អូស្ត្រាលី៖ អតីតតារាសម្តែងដ៏មានប្រជាប្រិយភាព និងតែងតែលេចមុខនៅក្នុងរឿងភាគខ្មែរជាច្រើនអ្នកនាងគឹម លីហ្សា បានដាច់ចិត្តឈប់ពីសិល្បៈ ក្រោយបានរៀបការជាមួយនឹងស្វាមី ទទួលបានគ្រាប់ពេជ្រកូនប្រុសដ៏គួរឲ្យស្រលាញ់ នៅលើទឹកដីក្រៅប្រទេស។

ជាក់ស្តែង កាលពីពេលថ្មីៗនេះតារាស្រីរូបនេះបានធ្វើពិធីខួបកំណើតឲ្យកូនប្រុសជាទីស្រលាញ់របស់ខ្លួន យ៉ាងសាមញ្ញ ជាមួយនឹងការជួបជុំគ្នារវាងបងប្អូនទាំងអស់ មើលទៅពិតជាមានសុភមង្គលខ្លាំងតែម្តង ពោលគឺពោរពេញដោយស្នាមញញឹមទាំងអស់គ្នា។

មិនត្រឹមតែប៉ុណ្ណោះនោះទេ តារារូបនេះក៏មានចិត្តជ្រះថ្លាបានចំណាយលុយ​១ពាន់ដុល្លារ ដើម្បីធ្វើបុណ្យកសាងវត្ត នៅក្នុងថ្ងៃកំណើតកូនប្រុសក្នុងវ័យ២ឆ្នាំនេះផងដែរ។

ជាមួយគ្នានេះដែរ មហាជនជាច្រើនក៏បានសរសើរដល់នាងថា ជាតារាមួយរូបដែលមានសំណាង ដោយមិនត្រឹមតែមានជីវិតយ៉ាងល្អ រីឯសុភមង្គលនៅក្នុងគ្រួសាររបស់នាងវិញ ក៏កាន់តែធ្វើឲ្យអ្នកគាំទ្រលួចច្រណែនគ្រប់គ្នា៕

សូមទស្សនាវីដេអូខាងក្រោមនេះ ក្នុងទិដ្ឋភាពពិធីខួបកំណើតកូនប្រុសនាង៖ 

• គឹម លីហ្សា
• វីដេអូ
• តារាខ្មែរ