គួរឱ្យរន្ធត់! រថភ្លើងធ្លាក់ផ្លូវយប់មិញនៅតៃវ៉ាន់ ស្លាប់និងរបួសរាប់រយនាក់ (មានវីដេអូ)

តៃវ៉ាន់៖ យ៉ាងហោចណាស់មនុស្ស ១៨ នាក់បានស្លាប់ (សេចក្តីរាយការណ៍ដំបូងថាស្លាប់ ២២ តែក្រោយមកតួលេខត្រូវបានកែ) និង ១៧៨ នាក់ផ្សេងទៀតបានរងរបួស ក្នុងហេតុការណ៍រថភ្លើងធ្លាក់ពីលើផ្លូវដែក ខណៈកំពុងធ្វើដំណើរទៅដល់សង្កាត់យីឡាន ប៉ែកខាងជើងឆៀងខាងកើតនៃកោះតៃវ៉ាន់។ នេះបើយោងតាមដំណឹងថ្មីបំផុតពីក្រសួងសាធារណការប្រចាំកោះ។ 

គួរបញ្ជាក់ថា រថភ្លើងដែលដឹកអ្នកដំណើរ ៣៦៦ នាក់នេះបានធ្វើដំណើរក្នុងចំណុចចន្លោះក្រុង ស៊ូលីន និងក្រុងតៃទុង ស្រាប់តែកើតឧបទ្ទវហេតុនេះតែម្តង កាលពីល្ងាចម៉ោង ៥ ថ្ងៃអាទិត្យម្សិលមិញ ត្រង់តំបន់ឆ្នេរ ដែលតាមសេចក្តីរាយការណ៍ គឺជាកន្លែងដ៏ពេញនិយមសម្រាប់ភ្ញៀវទេសចរ ហើយនេះជាគ្រោះថ្នាក់រថភ្លើងដ៏អាក្រក់បំផុតក្នុងរយៈពេល ៣ ទសវត្សរ៍ចុងក្រោយ។

ទោះយ៉ាងណា គេពុំទាន់ដឹងច្បាស់ពីមូលហេតុនៃគ្រោះថ្នាក់ និងស្ថិតក្នុងដំណាក់កាលស៊ើបអង្កេតនៅឡើយ៕ 

សូមទស្សនាវីដេអូខាងក្រោម៖

តើប្រិយមិត្តយល់យ៉ាងណាដែរ?