(កំពង់ស្ពឺ)៖ ក្រុមអាជ្ញាធរនារសៀលថ្ងៃទី២០ ខែតុលា ឆ្នាំ២០១៨នេះ បានឲ្យដឹងថា កំឡុងម៉ោង០៩ព្រឹកមានករណីទឹកហូរយ៉ាងកំហុគដោយតែមានភ្លៀងធ្លាក់ខ្លាំង នៅចណុចភូមិចំបក់ ឃុំចំបក់ ស្រុកភ្នំស្រួច ខេត្តកំពង់ស្ពឺ បណ្តាលឲ្យបាក់ទំនប់ចំនួន១២ម៉ែត្រ បណ្តោយ១២០ម៉ែត្រ។

ភ្លាមៗមានសេចក្តីរាយការណ៍បន្ទាន់ថា មានក្មេងៗដែលឃ្វាលគោចំនួន១០នាក់ បានរត់គេចចេញពីចំណុចកើតហេតុ ក្នុងនោះមានភ្ញៀវជាជនបរទេសចំនួន៣នាក់ ស្រី២នាក់ តែពេលនេះបានត្រឡប់មកវិញដោយសុវត្ថិភាព។

តែភ្លាមៗនោះលោក វ៉ី សំណាង បានបញ្ជាឲ្យគ្រប់ជំនាញ ចុះជួយបន្ទាន់ដើម្បីស្វែងរកក្រុមក្មេងទាំង១០នាក់ ព្រមជាមួយជនបរទេសផងដែរ តែរសៀលថ្ងៃនេះ ពួកគេបានរួចផុតពីគ្រោះថ្នាក់វិញហើយ។

ក្រុមអាជ្ញាធរបានឲ្យដឹងថា ករណីបាក់ទំនប់នេះ មូលហេតុដោយសាតែកាលពីយប់មានភ្លៀងខ្លាំង ដែលជាហេតុបណ្តាលឲ្យទឹកហូរខ្លាំងធ្លាក់ចុះមកពីលើ ដែលទំនប់មិនអាចការពារបានបណ្តាលឲ្យបាក់៕

ប្រភព៖ Fresh News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]