ក្ដៅៗ! បញ្ជីកីឡាករក្រុមកម្ពុជា ត្រៀមលេង Suzuki Cup ចេញហើយ

ភ្នំពេញ៖ សហព័ន្ធកីឡាកបាល់ទាត់កម្ពុជា ហៅកាត់ FFC បានធើ្វការបញ្ចេញនូវឈ្មោះកីឡាករទាំង២៥នាក់ ដើម្បីត្រៀមធើ្វការប្រកួតពានរង្វាន់ធំជាងគេប្រចាំទ្វីបអាស៊ីអាគ្នេយ៍ AFF Suzuki Cup នៅខែក្រោយនេះ។ 

ឆ្លងកាត់ការជ្រើសរើសនេះ ក្រុមកម្ពុជាបានធើ្វការតេស្ដកីឡាករជាច្រើន តាមរយៈការប្រកួតមិត្ដភាពអន្ដរជាតិអស់ចំនួន៣ប្រកួតមកហើយ ដោយក្នុងនោះគឺមិនទាន់ស្គាល់ពាក្យថាឈ្នះនោះទេ ក្រោមការបង្វឹករបស់គ្រូបង្វឹកថ្មីលោក Felix ពោលគឺចាញ់ម៉ាឡេស៊ី ៣-១ ស្មើទីម័រ ២-២ និងចាញ់សិង្ហបុរី ២-១។

យ៉ាងណាក្ដី ពេលនេះសហព័ន្ធបានធើ្វការប្រកាសអំពីឈ្មោះកីឡាករទាំង២៥នាក់ កាលពីពេលប្រមាណជិត១ម៉ោងមុននេះ ក្នុងទំព័រហ្វេសប៊ុកផេករបស់ខ្លួន ខណៈអ្នកគាំទ្រក៏បានធើ្វការសាទរចំពោះការសម្រេចរបស់ FFC និងធើ្វការជូនពរតាមរយៈការ Comment នៅក្នុងផុសនោះផងដែរ។

សូមបញ្ជាក់ថា កម្ពុជា ស្ថិតក្នុងពូល A ដោយមានក្រុមចំនួន៤ផ្សេងទៀត ដែលមានដូចជា ម៉ាឡេស៊ី មីយ៉ាន់ម៉ា វៀតណាម និងឡាវ៕